Responsive Ad Slot

HSA CCPUR JHQ in Felicitation-cum-Career Guidance program hmang

Sunday, July 7, 2019

/ Posted by Simon L Infimate
Rengkai, July 7, 2019, Virthli (ONP): Hmar Students' Association, CCpur Joint Hqtrs. chun July 6, 2019 dar 11:00 AM khan VTI Auditorium, Muolhlum, Rengkai ah kum 2019 a CCpur JHQ huop sunga Cl-X le XII exam-a hlawtlingna changhai lawmpuina neiin athaw tha bik zuol hai kuomah Award le Memento inhlanna hunser an hmang. Hun hmangna hi Ms. Meicy Lalneikim le Mr. Joseph Darngawn han an keithuoia, Rev. Lalsiemthar Joute, Adviser, HSA Ccpur JHQ in hun hawng tawngtaina a nei a, Mr. Eric Fimate, Gen. Secretary, HSA CCpur JHQ in lawmlutna thucha hrilna a nei.


Hi huna hin Resource person hai- Pu Derick L. Khawbung, MCS, SDO, Vangai Range a inthawkin ''Administration'' ti thupuia hmangin thuhril ngaithlak a ni a, Tv. Ramhmangai Khawbung, B.Tech, MBA, Sr. Manager, Jubilant Foodworks Ltd. in " Engineering&MBA" thupuia hmangin thu hrilna a nei a, "Academic & Civil Servant" thupuia hmangin Pu Zosanglur Zote, MCS, SDO, Sangaikot a inthawk thuhril ngaithlak a nih. Hi hunser hmang huna hin Dr. D.J Infimate, MBBS, ST Topper(2009), PG Entrance, AIIMS (45th rank 2019) in "Medical" tieng le inzawmin career guidance chungchang a hril a, "Nursing" chungchangah Mr.Hmingthanglien, M.Sc (Nursing), Lecturer, Bethesda School of Nursing in thuhrilna hun a nei a, Dr. Lalzarzolien, Sr. Medical Officer, Pediatric Dept., Ccpur Dist. Hospital khawma " Career in Medicine & Health Care" thupuia hmangin thuhrilna hun a hmang ve. Nk. Gloria Tusing, BA, LLB, Symbiosis Law School (Pune) khawma " Law" chungchang thu le inzawmin thuhrilna hun a nei a, Pu Lalramsang Infimate, MCS (JAG), ADC, Kangpokpi a inthawkin " Academics & Co. Curriculum for CS & PA" thupuia hmangin thuhril ngaithlak a nih.


Hi hunser hmang huna hin HSA CCPur JHQ thuoituhai han CCpur huop sunga Kum 2019 a Cl- X le XII exam-a a thaw tha bik hai kuomah Chawimawina le lawmman inhlanna an nei a, kum 2019 a Awardee hai chu hieng hai hi an nih:

1. Shri. Lalditsang Award  - Miss.Elina Darsangmawi d/o Lalvulmawi Buongpui,
St.Paul Institute, CBSE - 87% (Class - 12 Science)       
       
2. *Shri. Lalhrillien Award *  - Miss. Kandaki Vanhlupui d/o Lalsiemlien,
Douglas Memorial High School, BSEM - 85.17%(Class 10)

3. (L) Darchawngpui Sinate Award -Miss.Naomi Vungbiakmuan d/o (L) K.S Dinglien,
St.Paul Institute, CBSE - 77.4% (Class 12- Arts)


4. (L) Sakhawlien Pudaite Award  - Miss. Uniky Fimneimawi d/o Lalroman Inbuon ,Sielmat Christian Hr.Sec.School, CoHSEM - 76.6% (Class 12- Arts)

5.  (L) Lalruatliani Awar  -Miss. J  Lalnunmawi d/o Lalsiemlien Hmar,
Rayburn High School, CBSE - 86.4%(HSLC)               
6.  Shri. Lal Hossan Award    -Mr. Joshua Lalditsak Infimate s/o Lalnunsang Infimate,
Sielmat Christian Higher Secondary School, CoHSEM - 78.6% (Class -12 , Science).
Hi huna hin HSA CCPur JHQ chun Award donors hai po po chungah an lawmthu an hril. Hi hunser hi HSA GHQ hai khawma uop vein thuhrilna hun an nei ve.


Program hmang huna hin Christina Khawbung, Cathy Darngawn le Justin Tusing han hla in mipui fekhawm hai an awi a, Vote of thanks Pu Jeffry Saihmang, President, HSA CCpur JHQ in a hril a, hlawtlingna chang hai tawngtaipekna le hun khar tawngtaina Rev. Huolthangsei Thiek in a nei zoin hun khar a ni a, zantieng lawmna ruoi kiltlang a nih

Don't Miss
© all rights reserved
made with by Simon L Infimate