~ Jami Darngawn
John 16:7
Ka fe in ta dingin a tha; ka fe naw chun Thlamuongtu chu in kuomah a hung naw ding a ni si a; ka fe ruok chun ama in kuomah hung tir ka tih.
John 14:18a “Fahrain maksan naw ning cheu.”
Naufahra hai an chanhai em em na:
1) Arpui le a tehai chu, Ruo le thlipui a hungin thawk chang, thil ți um a hung tlung chang, Arpui chu a zukin tuka, a tehai chu an tlankhawma, an puinu tang belin, an puinu chun a thlazar hnuoiah a lo uop lum/him hlak a nih. Chu anga uoplum tu ding an nei ve ta naw leiin an chanhai em em a nih.
2) Fak ding țha, thu sie thu țha tuk le zana in batu ding le lampui indik kawkhmutu ding an nei ve taknaw leiin.
3) Natna le mangangna an tuok phata thlamuongtu ding, an lawmna le beidawngna inzawtna ding nu le pa an nei ve takvnaw leiin a nih.
Chuonghai popo chu ei Lal Isu’n a hrieta, “Fahrain maksan naw ning cheu.” “Thlamuongtu ding (Thlarau Thienghlim) in kuomah hung tir ka tih” a ti a nih. Lalpa chu inpakin um raw seh. Chuleiin, Pathienin a mi thlamuontu ding Thlarau Thienghlim a mi pek hi a va ropuiin a va hlu de aw!!
Thlarau Thienghlim neinawtuhai chu, Naufahra ang an la ni zing a nih. Thlaphangna, mangangna an tuok chang khawma, an thlamuong thei ngai nawh. Chuleiin, Arte haiin an puinu an bela, a lo awp lum angin Pathien bel rawh Thlarau Thienghlimin lo awp lum a ti che a, lo thlamuon a ti che.
TT 1:4a “Jerusalem fe san lovin, Pathien thiltiem ka hril inhriet kha lo nghak ro” a ti tlat a.
14b “Lungril hmunkhata thahnemngaitaka tawngtaiin an um a”
15b “an reng chun 120 lai an nih”
Iengtin am ei ni tin nunah Penticost ni hung tlung zing thei a ta?
Ringtu hmasa hai khan, “Jerusalem fe san lovin, Pathien thiltiem ka hril inhriet kha lo nghak ro” a ti a ni kha; Pathien thutiem inkhel ngai lo chu an ring zova, mi 120 lai lungril hmunkhata thahnemngai taka an tawngtaina chun Pathien a suk changa, an dawng awm hrim an dawng a nih. Penticost nun ni tina ei chunga a tlung theina ding chun, Pathien thupek ringzova, a thu zawma, tawngtaia, a ma beisei zingtu ei ni a țul. Kohranhai lungril hmunkhat putin thahnemngai takin tawngtai hlak ei tiu. “Thlarau mi” ei tihai hi a thupek zawmtuhai an nih. Chuleiin, Thlarau Thienghlim hiengkhawpa pawimaw hi suklungngai naw mei niu, ei niah inzalen tir ei tiu, chuongchun ei ni tin nun hi Penticost nun a ni thei ding a nih.
Joh.3:34 “Thlarau chu inkhia pek a ni si naw a” a tih. Thlarau Thienghlim mi tin chunga a sinthaw dan: Pathienin A Thlarau Thienghlim hi inang vawngin, inkhi dapin a pek chuong naw a, ei mizie ang pei damin, ei phursuok thei dan ding ang pei damin a mi pek hlak a nih. Chuleiin, inhriethiem tuoa, mi petu Pathien ropuina ding vawnga ei dawnghai chu hmang ding ei ni lem. Inkhi peka insawisel tawn ding ei ni naw tawp. I chang anga midangin an lo chang ve naw lei ela, hriethiem lova i sawisel a ni chun, “Thlarau Thienghlim hrilsietu” ni hlau rawi ei tih, fimkhur ei tiu.
Awleh, Pathien thil mi pek lai a hlutak, A Naupa neisun Isu Krista le sie le tha min hriettirtu, mi chenchiltu le mi thlamuongtu dinga Thlarau Thienghlim Ami pek hi ei rohlutak, thlarau chatuon hringna mi petu le Van Jerusalemthar mi thuoiluttu ding an nih ti hre-in, chawimawiin ei niah lalna inchangtir ei tiu.
TIEMTUHAI PENTICOST CHIBAI LEH
John 16:7
Ka fe in ta dingin a tha; ka fe naw chun Thlamuongtu chu in kuomah a hung naw ding a ni si a; ka fe ruok chun ama in kuomah hung tir ka tih.
John 14:18a “Fahrain maksan naw ning cheu.”
Naufahra hai an chanhai em em na:
1) Arpui le a tehai chu, Ruo le thlipui a hungin thawk chang, thil ți um a hung tlung chang, Arpui chu a zukin tuka, a tehai chu an tlankhawma, an puinu tang belin, an puinu chun a thlazar hnuoiah a lo uop lum/him hlak a nih. Chu anga uoplum tu ding an nei ve ta naw leiin an chanhai em em a nih.
2) Fak ding țha, thu sie thu țha tuk le zana in batu ding le lampui indik kawkhmutu ding an nei ve taknaw leiin.
3) Natna le mangangna an tuok phata thlamuongtu ding, an lawmna le beidawngna inzawtna ding nu le pa an nei ve takvnaw leiin a nih.
Chuonghai popo chu ei Lal Isu’n a hrieta, “Fahrain maksan naw ning cheu.” “Thlamuongtu ding (Thlarau Thienghlim) in kuomah hung tir ka tih” a ti a nih. Lalpa chu inpakin um raw seh. Chuleiin, Pathienin a mi thlamuontu ding Thlarau Thienghlim a mi pek hi a va ropuiin a va hlu de aw!!
Thlarau Thienghlim neinawtuhai chu, Naufahra ang an la ni zing a nih. Thlaphangna, mangangna an tuok chang khawma, an thlamuong thei ngai nawh. Chuleiin, Arte haiin an puinu an bela, a lo awp lum angin Pathien bel rawh Thlarau Thienghlimin lo awp lum a ti che a, lo thlamuon a ti che.
TT 1:4a “Jerusalem fe san lovin, Pathien thiltiem ka hril inhriet kha lo nghak ro” a ti tlat a.
14b “Lungril hmunkhata thahnemngaitaka tawngtaiin an um a”
15b “an reng chun 120 lai an nih”
Iengtin am ei ni tin nunah Penticost ni hung tlung zing thei a ta?
Ringtu hmasa hai khan, “Jerusalem fe san lovin, Pathien thiltiem ka hril inhriet kha lo nghak ro” a ti a ni kha; Pathien thutiem inkhel ngai lo chu an ring zova, mi 120 lai lungril hmunkhata thahnemngai taka an tawngtaina chun Pathien a suk changa, an dawng awm hrim an dawng a nih. Penticost nun ni tina ei chunga a tlung theina ding chun, Pathien thupek ringzova, a thu zawma, tawngtaia, a ma beisei zingtu ei ni a țul. Kohranhai lungril hmunkhat putin thahnemngai takin tawngtai hlak ei tiu. “Thlarau mi” ei tihai hi a thupek zawmtuhai an nih. Chuleiin, Thlarau Thienghlim hiengkhawpa pawimaw hi suklungngai naw mei niu, ei niah inzalen tir ei tiu, chuongchun ei ni tin nun hi Penticost nun a ni thei ding a nih.
Joh.3:34 “Thlarau chu inkhia pek a ni si naw a” a tih. Thlarau Thienghlim mi tin chunga a sinthaw dan: Pathienin A Thlarau Thienghlim hi inang vawngin, inkhi dapin a pek chuong naw a, ei mizie ang pei damin, ei phursuok thei dan ding ang pei damin a mi pek hlak a nih. Chuleiin, inhriethiem tuoa, mi petu Pathien ropuina ding vawnga ei dawnghai chu hmang ding ei ni lem. Inkhi peka insawisel tawn ding ei ni naw tawp. I chang anga midangin an lo chang ve naw lei ela, hriethiem lova i sawisel a ni chun, “Thlarau Thienghlim hrilsietu” ni hlau rawi ei tih, fimkhur ei tiu.
Awleh, Pathien thil mi pek lai a hlutak, A Naupa neisun Isu Krista le sie le tha min hriettirtu, mi chenchiltu le mi thlamuongtu dinga Thlarau Thienghlim Ami pek hi ei rohlutak, thlarau chatuon hringna mi petu le Van Jerusalemthar mi thuoiluttu ding an nih ti hre-in, chawimawiin ei niah lalna inchangtir ei tiu.
TIEMTUHAI PENTICOST CHIBAI LEH
