Responsive Ad Slot

NCHISF han Assam Cabinet Minister le mi pawimaw thenkhat hai an inhmupui

Sunday, June 9, 2019

/ Posted by Simon L Infimate
Guwahati, June 9, 2019, Virthli (ONP):  North Cachar Hills Indigenous Student Forum (NCHISF) Palai hai chun Guwahati hmunah Assam Cabinet Minister ṭhenkhat le mi pawimaw thenkhat hai inhmupuina an nei.

Liemtah, 07.06.2019 khan Pu Sum Ronghang  Minister HAD Assam, chu a office ah NCHISF ṭhuoitu hai chun inhmupuina an neia, hi huna hin Muolhoi, Haflong Assam a Mini Stadium siem ding thu a inbiekna a lo um ta angin Memorandum le DPR hai chu Pu Sum Ronghang HAD Minister fethlengin Chief Minister kuoma pêklût a nih. Hills Areas Development Minister a nina angin Recommendation khawm a thaw bawk a nih. Chun, hi chungthu a hin Chief Minister inhmupuina ding Appointment le a ṭul ang ang chu a lo sukfel ding thu NCHISF ṭhuoitu hai kuoma a hril bawk. Mini Stadium hi ruongâm siem dân chun 10 Crore hu vêl a bawl dinga riruong siem a nih, Chief Minister Signature Scheme hnuoia pêk dinga ti a ni bawk.


National Highway Authority of India Chief General Manager RO Guwahati chu a office Chamber ngei ah NH-54E Lumding-Silchar Package No. AS-21 le As. - 22 maintenance thaw ding thu a inbiekpuina nei a nih. NCHISF hai hnina angin Mahur-Jatinga road chu maintenance thawna dingin 24 Crore sanction a ni a, sin khaw a thawtu dingin Ratna Infrastructure Projects Pvt. Ltd. pêksuok a ni ta thu CGM hin a hril bawk.

8 June 2019, khan Pu Pijush Hazarika Minister Urban Development & MoS Medical Assam, chu a chêngna in ngeia NCHISF Palai hai chun hohlimpuina an nei a, Pu C.H Khawtlang First CEM NCHAC Life Size Statue siemna ding thu a inbiekpuina nei a ni a, hi chungthu a hin tuta NCHAC a CEM ni laizing Pu Debolal Gorlosa chu Pu Himanta le an lo inrawnpui ding thu a hril. Chun, NCHAC a EM pêk belsa dinga an lo hril ta angin hi thu hi hril pui nawn nawkna chu an nei puia hi chungthu a hin Pu Himanta le lo inrawna hun remchang hmasataka Chief Minister hnuoia sukfel dingin a hril bawk.
Don't Miss
© all rights reserved
made with by Simon L Infimate