Responsive Ad Slot

Blessed Choir le NPT Choir in One Day Sports hlim tlang takin an hmang

Sunday, June 9, 2019

/ Posted by Simon L Infimate
Thingchom, June 8, 2019, Virthli (ONP): Blessed Choir le Nehemia Prayer Team (NPT) Choir hai chun vawisun June 8, 2019 khan Thingchom playground-ah One day sports hlim tlang takin an hmang.Hi huna hin khuollienin Upa Ramhlunsang, Chairman, ICI Tuithaphai Presbytery KTP a thang a, thu a hrilna a chun hi huna fekhawm choir members hai chu an rawngbawlna a hai ringumna neia hma nasa nawk zuol a la dingin an fui a, vanglaini le that lai nia Pathien ram ta dinga nasa nawk zuol a inhmang dingin an fui tawl. Hi huna hin Chairman, Blessed Choir a inthawk le NPT Choir Chairman a'nthawk thuhril tawi ngaithlak anih.


Hi hunser hmangna a hin Nk. Hossanmawi Songate, Nk. Grace Lalchawimawi, Tv. Albert Tusing han inpakna hla mawi tak tak el sakna an nei a, games item chi hran hran hmangin Choir members han insukhlimna hun hlimum tak el an hmang. Games& Sports nei a ni zoin hmangaina ruoi kiltlang a ni a. Zan hunah Thingchom ICI Biekin ah inkhawmna nei a ni a, hi huna hin Pu Lalruotnghak, Chairman, NPT Choir le Pu Thangzarlien, Chairman, Blessed Choir a'nthawk Pathien thucha ropui tak tak el ngaithlak a ni a, NPT Choir le Blessed Choir han inpakna hla sakna an nei a, Upa Lalrosang in benediction hrilna neiin dit khawp lo takin hun suktawp a nih.
Don't Miss
© all rights reserved
made with by Simon L Infimate