Tuithaphai, June 1,2019, Virthli (ONP): Independent Church of India (ICI) KTP Week le inzawmin vawisun, June 1, 2019 khan Rengkai ICI KTP chun Rengkai Play ground ah One day Sports hlim tlang takin an hmang. Flag keipharna le hun hawng tawngtaina Tv Robert Joute, Chairman, Rengkai ICI KTP in a nei a, KTP Anthem " Lal Iengkim Thawthei" ti hla sak a ni zoin sports hi tan a ni a. Hi huna hin games item chi tum tum ah insukhlimna le inruolsiekna nei a ni a, hun hlimum tak el hmang a nih. Rengkai ICI Gilgal Church KTP hai khawma vawisun khan Rengkai ICI Gilgal Church campus ah One day Sports hlim tlang takin an hmang. Hun hawng tawngtaina Timothe H. Pulamte in a nei zoin , KTP members han sports item chi hrang hrang ah insukhlimna le inruolsiekna an nei. Hun hlimum tak el an hmang tlang. ICI Tuithaphai Presbytery huop sunga KTP Unit tum tum han May 27, 2019 anthawk khan " Krista Isu Sipai Tha" thupuia hmangin KTP Week hi hmang tan in, June 2, 2019 chen hin Thalai Week hi hmang an tih.
