~ Jami Darngawn
Lal David chun hienghin a lo inzawk a :
Iengkim inthuok thei taphawt chun LALPA chu inpâk raw hai se.
LALPA chu inpâk ro!
Sâm 150:6
Awleh, Pathien thilsiem laia ropuitak Ama anga a siem mihriemhai hi ei thuok a tawp hunah chu ei thi a ni el ding ana, amiruokchu hring/dam zing si a harsa deua inthuok țawk țawk khawm ei um bawk a nih.
Kei ngei khawm ka hriselna a țhat tawk naw leiin nikhuo ka hriettir a'nthawkin inthuok harsa ti chang ka nei hlak.
April 2019 khawm khan ka thuok a harsat deu leiin doctor ka pan kuol vela Lalpa'n doctorhai fethlengin Ami sukdama ka lawm hle a nih.
Ka doctor pan kuol vel lai khan Lalpa ropui zie tamtak ka hmu/hrieta chuh kan phalam deu leiin ka suklang nuom nawa chu, vawisun hin lungrila miturtu a hrat em leiin Lalpa ropuina dingin ka tawnhriet pakhat chu hung suklang ka tih.
Doctor pahni ka pan zo chun kan ruolha'n thuoktieng doctor thiem deu pakhat an mi hril hmua, chu doctor chu ka pasalin a mi panpui nawka, kan va fe chu nuom ela hmu thei a lo ni nawa, ticket lak ding khawma zing darthum ah an in a va nghak/um a ngaia, chuongchun zing dar nga'n ticket chu an mi pek dawka, chu zova a zing a chun doctor chu hmu thei chau niin an hrila. "Chuonglawma hmu harsa thuoktieng doctor chu hmu an tak em em lai chun, Pathienin ni tin a thlawnin inthuok theia boruok A mi pek hi lawm a umin ava hlu de ! Lawmna chang ka va hriet naw de aw" Ti chu ka lungrila a uma, chu neka ropui le hlu lem vawisun chena ka lungril hluosip zing chuh.
Lal David-in "Inthuok thei taphawtin Lalpa chu inpâk raw hai se" ti hin hril ding tamtak um mei a tih, sienkhawm keia hung um dan chun. Inthuok thei mihriem le rannung chu ei tam hle, sienkhawm Pathien-in A siem mihriemhai hi Ama le inzawm ta lo, Pathien a'nthawka thuok chat tah, sienkhawm Lal Isu thisen zara Pathien le inzawm nawka umhai, chuonghai chu thlaraua inthuok theihai ei nih. Ti chu chieng em emin ka lungrila a hung uma ka hlim em em el a nih.
Ka taksa hmawn hmang thei hin inthuok harsat chang nei hlak langkhawm, ka thlarau ruokchu Lalpa ah inthuok theiin ka uma ka hringna hi Lalpa kuta a um leiin ka lawm a nih. Chuleichun, ka thei ang anga Lalpa inpâka chawimawi ding ka nih ti hi ka chieng nawk zuola, mihai angin hlasakin Lalpa ropui zie kheksuokpui thei naw langkhawm, ka thei ve sun hi thuziek hin Lalpa' chu kan pâkin ka chawimawi a nih.
"Aw Lalpa kan Pathien lawmthu ka hril che, taksa le thlaraua inthuok theina boruok țha I mi pek leiin"
Tiemtu ditum tak nangkhawm taksa le thlaraua ni tin a man pek ngai lova inthuok thei leiin Lalpa kuomah lawmthu hril mawl mawl rawh.
LALPA'N MALSAWM RAW SEN CHE.
Lal David chun hienghin a lo inzawk a :
Iengkim inthuok thei taphawt chun LALPA chu inpâk raw hai se.
LALPA chu inpâk ro!
Sâm 150:6
Awleh, Pathien thilsiem laia ropuitak Ama anga a siem mihriemhai hi ei thuok a tawp hunah chu ei thi a ni el ding ana, amiruokchu hring/dam zing si a harsa deua inthuok țawk țawk khawm ei um bawk a nih.
Kei ngei khawm ka hriselna a țhat tawk naw leiin nikhuo ka hriettir a'nthawkin inthuok harsa ti chang ka nei hlak.
April 2019 khawm khan ka thuok a harsat deu leiin doctor ka pan kuol vela Lalpa'n doctorhai fethlengin Ami sukdama ka lawm hle a nih.
Ka doctor pan kuol vel lai khan Lalpa ropui zie tamtak ka hmu/hrieta chuh kan phalam deu leiin ka suklang nuom nawa chu, vawisun hin lungrila miturtu a hrat em leiin Lalpa ropuina dingin ka tawnhriet pakhat chu hung suklang ka tih.
Doctor pahni ka pan zo chun kan ruolha'n thuoktieng doctor thiem deu pakhat an mi hril hmua, chu doctor chu ka pasalin a mi panpui nawka, kan va fe chu nuom ela hmu thei a lo ni nawa, ticket lak ding khawma zing darthum ah an in a va nghak/um a ngaia, chuongchun zing dar nga'n ticket chu an mi pek dawka, chu zova a zing a chun doctor chu hmu thei chau niin an hrila. "Chuonglawma hmu harsa thuoktieng doctor chu hmu an tak em em lai chun, Pathienin ni tin a thlawnin inthuok theia boruok A mi pek hi lawm a umin ava hlu de ! Lawmna chang ka va hriet naw de aw" Ti chu ka lungrila a uma, chu neka ropui le hlu lem vawisun chena ka lungril hluosip zing chuh.
Lal David-in "Inthuok thei taphawtin Lalpa chu inpâk raw hai se" ti hin hril ding tamtak um mei a tih, sienkhawm keia hung um dan chun. Inthuok thei mihriem le rannung chu ei tam hle, sienkhawm Pathien-in A siem mihriemhai hi Ama le inzawm ta lo, Pathien a'nthawka thuok chat tah, sienkhawm Lal Isu thisen zara Pathien le inzawm nawka umhai, chuonghai chu thlaraua inthuok theihai ei nih. Ti chu chieng em emin ka lungrila a hung uma ka hlim em em el a nih.
Ka taksa hmawn hmang thei hin inthuok harsat chang nei hlak langkhawm, ka thlarau ruokchu Lalpa ah inthuok theiin ka uma ka hringna hi Lalpa kuta a um leiin ka lawm a nih. Chuleichun, ka thei ang anga Lalpa inpâka chawimawi ding ka nih ti hi ka chieng nawk zuola, mihai angin hlasakin Lalpa ropui zie kheksuokpui thei naw langkhawm, ka thei ve sun hi thuziek hin Lalpa' chu kan pâkin ka chawimawi a nih.
"Aw Lalpa kan Pathien lawmthu ka hril che, taksa le thlaraua inthuok theina boruok țha I mi pek leiin"
Tiemtu ditum tak nangkhawm taksa le thlaraua ni tin a man pek ngai lova inthuok thei leiin Lalpa kuomah lawmthu hril mawl mawl rawh.
LALPA'N MALSAWM RAW SEN CHE.
