~ Jami Darngawn
Genesis 21:
15. Chun tuiûma tui chu a hung bo ta a, chuongchun naupang chu chîmbuk pakhat hnuoiah a sie el ta a.
16. Chun “Naupang thi ding chu ka en ngam nawh,” a ti leiin a fe a, hla fe, thal kâp phâk ding chena hin, a hma zawna chun a va ṭhung ta chawt a. Chuongchun a hma zawna chun a ṭhung a, inringtakin a ṭap ta a.
17. Chun Pathienin naupang rawl chu a hriet a, chun Pathien vântirkovin vâna inthawkin Hagar chu a zuk kova, a kuomah, “Hagar, ieng chang am in ta leh? Ṭi naw, a umnaa naupang rawl kha Pathienin a hriet a nih.
18. Tho la, naupang kha keitho la, i kutin chel rawh, ama chu hnam ropuitakah ka siem ding a nih,” a ta.
19. Chun Pathienin a mit a sukvar pêk a, tuisunsuo a hmu ta a. Chuongchun a va fe a, tuiûma chun tui chu a thun sip a, naupang chu ân dawntir ta a.
Awleh, Abraham le Sari chanchin chu ei hriet seng ring a um, Ismaelhai nufa tirhmanga an umna thu hi ngaituo chet chet chun ngaituo tham a ni reng a nih. Hril dan le lak dan kawng tamtak a um lai zingin kei a tieng hieng hin a hung inlang ve a nih.
Ani ngei, nang le kei khawm, hi khawvel hausakna le inhawinahai a hin um sawng thei ding le a hausaknahai chen ding chun a rem ta nawa, hnawtsuok/tirhmang ei ni ve tah a nih. Hi khawvel thlaler ram ṭawl a hin Lalpa'n um dingin a mi tia, Ringtuhai chun hi taka hin inchuk ding tamtak a um a nih.
An tuiûm kha a bo tah, naupang thi el dinga a ṭap lai chun Lalpa'n naupang chu A lunginsiet êm leiin a dawn ding tuisunsuo a hung pek hi a va ropui de !
Chuong ang bawk chun nang le kei khawm hi thlaler ram ṭawla ei um lai hin dangchara thi el ding ei nih, ni tin dawn ding tlasamin ei um. Sienkhawm ei dangchar a nih ti ei inhriet nawa, phîngṭam ei nih ti ei inhriet bawk nawh. Hi lei hin an nawm mi tamtak an thlarau an chau zovin an nguizo ta hlak chuh ! Chuong ding chu nilovin ei theitawkin ei rawlhai insuong ei ta, Lalpa ko hlak ei tiu. Phîngṭam dangchar ei nih ti ei inhrieta theitawpa ei zawng chun ei Pathien chun mi lunginsietin mi pe ngei a tih.
Chuongchun Pathienin naupang rawl chu A hriet taha, a vântirko hmangin tuisunsuo umna chu a hung hril tah a, a mit chu a sukvar pek tah a nih.
Nang le kei Lalpa Pathien nau duot khawm hi ei dangcharna ei phîngṭamnahai hi fak ding le dawn ding mi hung petu/kawkhmutu dingin Pathienin A vântikohai a hung hmang hlak a nih. (Pathien Rawngbawltuhai hi Lalpa vântirkohai an nih) Amiruokchu an nihai chun iengtiklai khawm mi umpuiin mi hung kawkhmu zing thei naw sienkhawm, Lalpa'n ei mit A mi sukvar pek tah !!
Haleluiah Lalpa ropui raw seh !
Turuok hin chu Kalvari Tuisunsuo chatuona kang ngai lo chu ei kuomah a um ti ei hrieta, ei hmu ta leiin hlim le lawm takin Kalvari-a hung luong tla Lal Isu thisen hlutak ngei chu nang le kei damna a lo ni tah ! Chu ngei chu a nih ei damna chuh !!!
Theitawpa ei hung suklang chu a thar takin Lalpa'n mal mi sawm pek raw seh. Amen.
Genesis 21:
15. Chun tuiûma tui chu a hung bo ta a, chuongchun naupang chu chîmbuk pakhat hnuoiah a sie el ta a.
16. Chun “Naupang thi ding chu ka en ngam nawh,” a ti leiin a fe a, hla fe, thal kâp phâk ding chena hin, a hma zawna chun a va ṭhung ta chawt a. Chuongchun a hma zawna chun a ṭhung a, inringtakin a ṭap ta a.
17. Chun Pathienin naupang rawl chu a hriet a, chun Pathien vântirkovin vâna inthawkin Hagar chu a zuk kova, a kuomah, “Hagar, ieng chang am in ta leh? Ṭi naw, a umnaa naupang rawl kha Pathienin a hriet a nih.
18. Tho la, naupang kha keitho la, i kutin chel rawh, ama chu hnam ropuitakah ka siem ding a nih,” a ta.
19. Chun Pathienin a mit a sukvar pêk a, tuisunsuo a hmu ta a. Chuongchun a va fe a, tuiûma chun tui chu a thun sip a, naupang chu ân dawntir ta a.
Awleh, Abraham le Sari chanchin chu ei hriet seng ring a um, Ismaelhai nufa tirhmanga an umna thu hi ngaituo chet chet chun ngaituo tham a ni reng a nih. Hril dan le lak dan kawng tamtak a um lai zingin kei a tieng hieng hin a hung inlang ve a nih.
Ani ngei, nang le kei khawm, hi khawvel hausakna le inhawinahai a hin um sawng thei ding le a hausaknahai chen ding chun a rem ta nawa, hnawtsuok/tirhmang ei ni ve tah a nih. Hi khawvel thlaler ram ṭawl a hin Lalpa'n um dingin a mi tia, Ringtuhai chun hi taka hin inchuk ding tamtak a um a nih.
An tuiûm kha a bo tah, naupang thi el dinga a ṭap lai chun Lalpa'n naupang chu A lunginsiet êm leiin a dawn ding tuisunsuo a hung pek hi a va ropui de !
Chuong ang bawk chun nang le kei khawm hi thlaler ram ṭawla ei um lai hin dangchara thi el ding ei nih, ni tin dawn ding tlasamin ei um. Sienkhawm ei dangchar a nih ti ei inhriet nawa, phîngṭam ei nih ti ei inhriet bawk nawh. Hi lei hin an nawm mi tamtak an thlarau an chau zovin an nguizo ta hlak chuh ! Chuong ding chu nilovin ei theitawkin ei rawlhai insuong ei ta, Lalpa ko hlak ei tiu. Phîngṭam dangchar ei nih ti ei inhrieta theitawpa ei zawng chun ei Pathien chun mi lunginsietin mi pe ngei a tih.
Chuongchun Pathienin naupang rawl chu A hriet taha, a vântirko hmangin tuisunsuo umna chu a hung hril tah a, a mit chu a sukvar pek tah a nih.
Nang le kei Lalpa Pathien nau duot khawm hi ei dangcharna ei phîngṭamnahai hi fak ding le dawn ding mi hung petu/kawkhmutu dingin Pathienin A vântikohai a hung hmang hlak a nih. (Pathien Rawngbawltuhai hi Lalpa vântirkohai an nih) Amiruokchu an nihai chun iengtiklai khawm mi umpuiin mi hung kawkhmu zing thei naw sienkhawm, Lalpa'n ei mit A mi sukvar pek tah !!
Haleluiah Lalpa ropui raw seh !
Turuok hin chu Kalvari Tuisunsuo chatuona kang ngai lo chu ei kuomah a um ti ei hrieta, ei hmu ta leiin hlim le lawm takin Kalvari-a hung luong tla Lal Isu thisen hlutak ngei chu nang le kei damna a lo ni tah ! Chu ngei chu a nih ei damna chuh !!!
Theitawpa ei hung suklang chu a thar takin Lalpa'n mal mi sawm pek raw seh. Amen.
