CCPur, April 27, 2019, Virthli (ONP): Independent Church of India (ICI) Lamka Kristien Thalai Pawl in a huohawt The 1st Kona Rawl Inter-Church Football Tournament 2019 chu vawisun, April 27, 2019 dar 1:30 PM khan Opening Ceremony Lamka Public ground ah ursun takin hmang a nih. Hun hmangna hi Mr. Rambuotsei Tusing le Ms. Lawmnakim Hrangate han an keithuoi a, hun hmasa tieng KTP Anthem "Lal Iengkim Thawthei" mipuiin sakna an nei a, hun hawng tawngtaina Pastor S. Thangchinlun, EBBC, Hiangtam Lamka in a nei. Hi huna Khuollien dinga ti Shri. T. Kammuanlal Simte, MCS, C.E.O ADDC chu remchang naw na leiin hung thei naw sien khawm, a aiin a nuhmei Pi Ellen Simte in a hun hung hluo bit in, Chief guest in hmang a nih. Chief guest in thu a hrilna a chun Lamka ICI KTP in hieng ang tournament a huoihawt hi inpakum a ti thu hrilin, Lamka Area sunga kohran tum tum hai lai inunauna le inthuruolna tha lem hi tournament hin an tlun ngei a beisei thu hrilin, thalai tamtak el mani nun hne ta lo, inruitheiin a faksiet mek hai ta dinga games & sports a that zie thu hai ursun takin a hril. Hi huna hin ICI Lamka KTP chun khuollien hi chawimawina thilpek inhlanna an nei a, Khuollien khawma Lamka ICI KTP hai thilpek inhlanna a nei ve.
Hi huna hin Lamka ICI KTP chun hi tournament a thiltum hrilna neiin hi tournament thiltum chu Lamka Area sunga Kohran tinhai lai innunauna thalem le inthuruolna thalem a um nawk zuol theina ding le, Fellowship inhawi taka hmang a ni ngei theina ding le tukum 2019 a Lamka ICI KTP Diamond Jubilee ding le inzawma Jubilee Celebration activities pakhat ve anga an huoihawt a ni thu an hril bawk.
Hi huna hin Mr. Lalropui Tusing, Vice- Chairman, Jubilee Celebration Committee in briefing of rules & regulations hunser a hmang a, hi tournament a thang team hai po po Mr. Diamond Malsawmthang Tusing in intiemkamna an nei tir. Pastor Varsanglur, Lamka ICI in players hai inhlanna le tawngtai pekna a nei zoin First match inkhel a ni a. First Match a hin Pentecostal Youth Department (PYD) chun Lamka EFCI KTP hai 4-1 in an hne. Opening ceremony hmang huna hin Lamka ICI KTP members Nk. Lawmnakim Hrangate in a rawl mawi tak insuoin mipui fekhawm hai inpakna hla sakin an awi tawl
Hi tuornament a Lawmman chu hieng ang hin ning a tih;
1st: Cash 15000 + trophy + certificate
2nd: Cash 5000 + trophy + certificate
Final Match le Closing Ceremony chu May 18, 2019 hin Lamka Public ground-ah ursun takin hmang ni nawk a tih. Hi tournament a thupui chu ' Stronger & Higher' ( Isaiah 40:31) a nih.
div>
Hi huna hin Lamka ICI KTP chun hi tournament a thiltum hrilna neiin hi tournament thiltum chu Lamka Area sunga Kohran tinhai lai innunauna thalem le inthuruolna thalem a um nawk zuol theina ding le, Fellowship inhawi taka hmang a ni ngei theina ding le tukum 2019 a Lamka ICI KTP Diamond Jubilee ding le inzawma Jubilee Celebration activities pakhat ve anga an huoihawt a ni thu an hril bawk.
Hi huna hin Mr. Lalropui Tusing, Vice- Chairman, Jubilee Celebration Committee in briefing of rules & regulations hunser a hmang a, hi tournament a thang team hai po po Mr. Diamond Malsawmthang Tusing in intiemkamna an nei tir. Pastor Varsanglur, Lamka ICI in players hai inhlanna le tawngtai pekna a nei zoin First match inkhel a ni a. First Match a hin Pentecostal Youth Department (PYD) chun Lamka EFCI KTP hai 4-1 in an hne. Opening ceremony hmang huna hin Lamka ICI KTP members Nk. Lawmnakim Hrangate in a rawl mawi tak insuoin mipui fekhawm hai inpakna hla sakin an awi tawl
Hi tuornament a Lawmman chu hieng ang hin ning a tih;
1st: Cash 15000 + trophy + certificate
2nd: Cash 5000 + trophy + certificate
Final Match le Closing Ceremony chu May 18, 2019 hin Lamka Public ground-ah ursun takin hmang ni nawk a tih. Hi tournament a thupui chu ' Stronger & Higher' ( Isaiah 40:31) a nih.
