Responsive Ad Slot

EAC 71st General Assembly hmang zo

Monday, March 11, 2019

/ Published by Ralsun Hmar
Tuithaphai, March 10, 2019, Virthli (ONP): Evangelical Assembly Church (ECCI) 71st General Assembly chu March 6-10, 2019 sung khan "Seltaka Tlan" (Hebrai 12:1) thupuia hmangin EAC Church, Bible Hill, Rengkai-ah hmang a nih. Hi huna hin Rev. Huolthangsei Thiek, Executive Director in lawmlutna thucha hrilna a nei a, Moderator, EAC in Assembly hawngna hunser a hmang.

General Assembly huna hin Assembly rorelna nei a ni a, Rev. Challienkung, Former Executive Secretary, Rev. Fimchawnthang, Former Executive Secretary, Rev. Lalkhamlien, Director, M&E, Rev. Dr. Lalhmuoklien, Former Executive Director, Mr. David Yoon, Director, ITC, South Korea, Rev. Dr. Lalrosiem Songate, Principal, ECT, Rev. Huolthangsei Thiek, Executive Director hai a'nthawk Pathien thucha ropui tak tak ngaithlak a ni a. Hi huna hin "The Kingdom of God" thupuia hmangin seminar nei a nih.

General Assembly sung hin EAC Assembly Choir, EAC Rengkai KTP, Muolvaiphei KTP, Lamka    KTP le ECT Choir han hlapawl sakna neiin Pathien inpakna hla mawi tak tak el an inhlan. Hi huna hin Rev. Huolthangsei Thiek, Executive Director le Rev. Lalkhamlien, Director, M&E han Certificate semna le Lawmman inhlanna hunser an hmang a. Ramthar report Pastor Shanjit Singh, Naodokhong, Pastor KC Thomas, Pastor Buonghranglien, Mukamtila hai a'nthawk ngaithlak an nih.

EAC 71st General Assembly hi Pu Dr. Chaltonlien Amo, MLA khawma uop veiin thuhril tawi hrilna hun a hmang ve. Assembly Moderator, EAC in hunkhar tawngtaina le benediction hrilna a nei zoin khar a nih.




















Don't Miss
© all rights reserved
made with by Simon L Infimate