New Delhi, February 25, 2019, Virthli (ONP): Pu V L Renga Hriler S/o Pu Lienkim Hriler & Engi, Rengkai chu Ministry of Defence hnuoiah Director anthawk Deputy Director General ah a lo kaisang tah. Pu V L Renga Hriler hin Directorate General NCC, New Delhi ah Director sin a lo chel a, tuhin Engineering Branch, Army Headquarters-ah Deputy Director General, Works (Budget) sin a chel tan mek a nih. Tuta a kaisangna hi sipai/Army a chu Brigadier rank ani tah. Pu V L Renga Hriler hin kum 1998 khan Indian Civil Service Exam a tlinga, Armed Forces Headquarters Civil Services zawm in, Army Headquarters ah hieng Ordinance Dte (Vehicle - Vehicle Auction) le Recruitment Dte (Officers) bakah Integrated Service Headquarter (NCC) ah hai a lo posting ta hlak a nih. A kaisangna hi Virthli chun ei lawmpui tak zet.
