Responsive Ad Slot

New Haflong Rly. Station a wall Painting a HSA Assam Hills JHQ hmalakna

Monday, February 25, 2019

/ Posted by Simon L Infimate
Haflong, February 25, 2019, Virthli (ONP): New Haflong Railway Station a khuolzinmi hai hmu thei dinga Dima Hasao sunga hnam tin hai culture / tradition inentirna dingin wall painting thaw ani a, chuonghai lai chun Hmar hnam puola lemziek (painting) khawm pahni lai a thang sa ve a nih. Chuonglai zing chun kum iemanizat zet thuneitu haiin Hmar thuom le puonzie le a um dan an hriet naw leiin indiklo takin tu hnam am ani ti hriet thei loin painting pakhat chu a um a, chun a dang pakhat lem chu rawng pek lo a maksan tawp a nih. Hi le inzawm hin Rel station hi nitin a mi sang tel inlawn na ani leiin Hmar hnam puola lem ziek (wall painting) hi tha taka a um a pawimaw zie hi hrein, HSA Assam Hills JHQ hai chun an sum le pai sengin lemziek (painting) thiem hai ruoia hma an lakna chu zofel a lo ni tah.


Hi le inzawm hin vawisun zing tieng khan JHQ thuoitu hai chu a hmuna fein painting zo ta chu enfelna an nei. Hi huna hin Pu John Mark Pena, President in an sengso hai le hma lak dan hai hrilna fe khawm tuhai kuoma a nei baka tawngtaina a inhlan ani bawk. Chun Jt. Higher Secondary & Colleges unit thuoitu hai baka Pu Josef V Tuolor, Gen. Secy., HSA Gen. HQRS haiin hi huna hin an tawiawm bawk a nih.
Don't Miss
© all rights reserved
made with by Simon L Infimate