Responsive Ad Slot

35th KTP General Conference hlawtling taka hmang

Tuesday, February 26, 2019

/ Posted by Simon L Infimate
Aizawl, February 26, 2019, Virthli (ONP): Independent Church of India (ICI) KṬP General Conference a vawi 35-na chu 22nd-24th February sûng khan Aizawl ICI biekin ah "THUAWINA" (Obedience) 1Samuel 15:22 ti thupuia hmangin hlawtling taka hmang zo a nih. Hi Conference hi kum dang ang naw metin Inruolsiekna hai nei ani nawa, Presbytery le Mission Field 18 anthawk palai mi 112 an fê khawm a nih. February 23 khan session 3 a ṭhe in rorelna hun hmang ani a, tluong takin rorelna nei niin Resolution 12 lai thlak a ni bâka KTP bye law amendment thaw ani a, kum 2020 KTP General Conference chu Jiribam Presbytery a innghat dinga rel a nih.

Chun, kum 2019 sûng a ICI KTP Common Subject dingin "Back to the origin" (I'nṭannaah Kir nawk rawh) Thup.2:5 ti chu Upa Dr. Zawlthanglien Changsan, Chairman, CKTP in tlângzarna a nei. Hi thupui thiltum tak chu Isu angna nei dingin ti ani a, kir nawkna dinga pawimaw pahnihai chu VANTLANG NUN (SOCIAL LIFE) AH- Khuo-le-tui tha ni dingin, Pathienin a mi phut a nih ti hriet tlat ding, a tira inthawkin Pathien angpuia siem ei nih ti hriet tlat ding ti le PATHIEN THU (SPIRITUAL LIFE) AH-ringtu nun inṭannatak chu Kraws a kir nawk, ringtuhai nun innghatna bul,‘Hmangaina’ sukthar nawk ti hai a nih.



Hi huna hin Rev. HP Runremthang, Youth Co-ordinator, ICI anthawkin report chipchier takin ngaithlak ania, ICI Thalai members umzat chu mi 6066 an nih. Lawmman semna hun hmang niin, a hnuoia hai hi lawmman dawngtu hai chu an nih;

ODC pe tha tak: Lamphel Unit, Tuiṭhaphai Presbytery
Birthday Gift pe tha tak: New Delhi
Best Overall Activities: Aizawl Presbytery.


Inkhawmpui sûng hin Pastor Ramropui, Rev. Lalhminthang, Rev. HP Runremthang, Pastor Lalbuotsai le Upa Dr. Zawlthanglien Changsan haia inthawkin Pathien thucha ngaithlak ani a, ICI Central Choir, Sesawng Pastor biel le Aizawl KTP ha'n hlapawla rawngbawlna an nei baka Nk. Lalrovêl, Nk. Lalthapui Faihriem, Nk. Lalhmunmawi, Nk. Lalenkawl hai anthawk malzai ngaithlak a nih.



















Don't Miss
© all rights reserved
made with by Simon L Infimate