Saidan, January 8, 2019, Virthli (ONP): Independent Church of India (ICI) Saidan KTP chun vawisun ni chena tluong taka Pathienin a thuoi lei le kum 2018 hun sunga an thurel hai thaw theia an um leiin vawisun January 8, 2019 khan Sharon Park-ah Thanksgiving program hlim takin an hmang. Zing dar 10:30AM khan Pastor Joseph L. Khawbung, bieltu Pastor in Saidan ICI Biekin campus-ah Thanksgiving program a thang Saidan KTP members mi 65 hai tawngtai pekna le an hun hmang ding hai Pathien kuomah inhlanna a nei zoin an hun hmangna ding hmun him le dam takin an tlung a. Hun hlim um tak el an hang hmang.
Hi hunser hmang huna hin Pastor Joseph L. Khawbung anthawk Pathien thucha ropui tak el ngaithlak a nih. Bible chang Thuhriltuhai bung 12:1-13 tiemna neiin vanglaini le hrat lai nia ami siemtu Pathien hi hriet a pawimawzie thu a hril a, hringnun um zie hriet ding chun ami siemtu hi hriet a tul a nih tiin a hril a. Pathien thang lo chun iengmalo ei nih ti hi hrietsuok harsa ei ti a. Ei that lai ei vanglaini hi nisa inding lai leh tekhi ei ni a, hi hun lai hi Lal Solomon khawma a ngaipawizie thu hrilin, ei that lai ni le ei vanglaini ngeia ami siemtu Lalpa Pathien ti deka hringnun hmang a tul zie hai ursun takin a hril a. Nisa a thlak hnung chun tar ei hung ni ta ding ani a, insir inla khawm ko kir thei ni ta nawng a ta, chuleiin nisa inding lai ngei hin tu am ka ni a, khawlam feng ka ta ti hi inngaituoa vanglaini huna Pathien ta dinga hring dingin thalai hai an fui tawl a. Pathienin ei dam lai ni a ei thil thaw hai rorelnaa a lak lut ding thu le Pathien ti deka a thupek hai zawm dingin thlalai hai a fiel nawn nawk. Hi huna hin Pro Pastor Richard Tryte, Pu L.F Nungate, Chairman, Saidan ICI KTP le Pu Ranhmachhuana hai anthawk Pathien thu tha tak tak ngaithlak a nih.
Thanksgiving program hmang a ni zoin thalai hai lai inunauna le inthuruolna tha lem a um nawk zuol peina dingin insukhlimna chi tum tum nei a ni a, hun hlimum takel an hmang. Saidan ICI KTP chun tulai hin Saidan ICI Biekin bawlna ding le an KTP Project a ding fund rise chi hrang hrang an buotsai mek a, December 29, 2018 zan hunah an biekin project a ding Gospel Music Concert hlawtling takin an huoihawt ta bawk a nih. Saidan ICI KTP chun nikum 2018 January thla khan Pherzawl district sunga Hmar khuo hai kanna neiin thu le hla ah inpawltlangna an lo neipui ta bawk. Thanksgiving program hi hun khar tawngtaina Pu Ramhmacchuana-in a nei zoin suk tawp a ni a, ruoi inhnik tak el an kiltlang
Hi hunser hmang huna hin Pastor Joseph L. Khawbung anthawk Pathien thucha ropui tak el ngaithlak a nih. Bible chang Thuhriltuhai bung 12:1-13 tiemna neiin vanglaini le hrat lai nia ami siemtu Pathien hi hriet a pawimawzie thu a hril a, hringnun um zie hriet ding chun ami siemtu hi hriet a tul a nih tiin a hril a. Pathien thang lo chun iengmalo ei nih ti hi hrietsuok harsa ei ti a. Ei that lai ei vanglaini hi nisa inding lai leh tekhi ei ni a, hi hun lai hi Lal Solomon khawma a ngaipawizie thu hrilin, ei that lai ni le ei vanglaini ngeia ami siemtu Lalpa Pathien ti deka hringnun hmang a tul zie hai ursun takin a hril a. Nisa a thlak hnung chun tar ei hung ni ta ding ani a, insir inla khawm ko kir thei ni ta nawng a ta, chuleiin nisa inding lai ngei hin tu am ka ni a, khawlam feng ka ta ti hi inngaituoa vanglaini huna Pathien ta dinga hring dingin thalai hai an fui tawl a. Pathienin ei dam lai ni a ei thil thaw hai rorelnaa a lak lut ding thu le Pathien ti deka a thupek hai zawm dingin thlalai hai a fiel nawn nawk. Hi huna hin Pro Pastor Richard Tryte, Pu L.F Nungate, Chairman, Saidan ICI KTP le Pu Ranhmachhuana hai anthawk Pathien thu tha tak tak ngaithlak a nih.
Thanksgiving program hmang a ni zoin thalai hai lai inunauna le inthuruolna tha lem a um nawk zuol peina dingin insukhlimna chi tum tum nei a ni a, hun hlimum takel an hmang. Saidan ICI KTP chun tulai hin Saidan ICI Biekin bawlna ding le an KTP Project a ding fund rise chi hrang hrang an buotsai mek a, December 29, 2018 zan hunah an biekin project a ding Gospel Music Concert hlawtling takin an huoihawt ta bawk a nih. Saidan ICI KTP chun nikum 2018 January thla khan Pherzawl district sunga Hmar khuo hai kanna neiin thu le hla ah inpawltlangna an lo neipui ta bawk. Thanksgiving program hi hun khar tawngtaina Pu Ramhmacchuana-in a nei zoin suk tawp a ni a, ruoi inhnik tak el an kiltlang
