Haflong, January 8, 2018, virthli (ONP): Citizenship Amendment Bill 2016 chu Union Cabinet in pass dinga ati le inzawmin North East Student inzawmkhawm hai chun Guwahati hmuna le hmun dang danga hai Dharna, Mass Rally le Hunger Strike hai chen lo nei tah sienkhawm BJP Sawrkar chun bill chu pass lui ṭal a tum lein tarik 05.01.2018 khan Prag Continental, Guwahati hmuna AASU le 30 Indigenous Organisation hai chun Joint Meeting neiin, hi huna hin 11 hours Bandh huoihawt dingin thuthlukna siem ani angin vawisûn 08.01.2018 hin NESO, AASU le 30 Indigenous Organisation hai ṭhangtlang in North East sûng hmun dang danga bandh hi huoihawt ani a, NC Hills a khawm buoina taluo um lo in tluongtaka nei a ni thu Press Meet an neina ah Tv. David Keivom President, North Cachar Hills Student Forum (NCHISF) an'thawk thu ei dawng. NCHISF Branch hieng Mahur, Harangajao, Retzawl, Ditokchhera, Boro Muolkoi, Haflong le hmun dang danga hai Picketers hai insiem in tluong takin Bandh hi nei a nih.
