Aizawl, 9 January, 2019, Virthli (ONP): MNF keihruoi Mizoram sawrkar thar chun Sinlung Hills Council interim period hun sung chu a pawtsei ding thu le hun sawtnawte ah order khawm a suok vat ta ding thu, Chief Minister Pu Zoramthanga chun a hril.
Vawisun khan 'The Telegraph' le 'The Mizoram Post' reporter in anbiekpuina ah Mizoram chief minister Pu Zoramthanga chun constituency iengkhawm siemfel a la um naw leiin vawi le khata inthlang buotsai el thei a ni nawa, chuleiin interim period hun sung hi lo thei lova pawtsei a ngai a nih, a tia, hun sawtnawte ah order a suok vat ta ding thu a hril bawk.
Interim period sunga council member hlui hai sienawk an ni dim ti zawhna chu Pu Zoramthanga chun "Interim period hun sunga Council member dinghai hi ngaituo fel thawk khat an ni ta a, chulleiin sawtnaw te ah order suok a ta, iengkim chu pha chun a chieng el ding a nih a tih,"
Thulakna dangin a hril danin MNF keihruoi Mizoram sawrkar hin council member dinghai hi mi thar a ruotfel thawkhat ni ta in a hril.
Kha hma khan Pu Zoramthanga chun Congress sawrkar le HPC (D) hai inremna (Peace Accord) hi kan inza a, chuleiin Sinlung Hills Council khawm sukpuitling ngei an tum thu, chanchinbumihai kuomah a lo hril tah a nih.
Sinlung Hills Council hi Congress keihruoi Mizoram sawrkar le Hmar People's Convention (Democratic) haiin April ni 2, 2018 a inremna an ziek dungzuia indin a nia, July ni 9, 2018 khan interim council chu siem niin, July ni 13, 2018 khan Chief Executive Member (CEM) Pu Lalthalien, Imphal le mi dang 13 hai chu council member dingin laklut an nih.
Interim period fe lai mek chu vawisun (January ni 9, 2018) hin a lo tawp tah a nih.
Rep. Image
Vawisun khan 'The Telegraph' le 'The Mizoram Post' reporter in anbiekpuina ah Mizoram chief minister Pu Zoramthanga chun constituency iengkhawm siemfel a la um naw leiin vawi le khata inthlang buotsai el thei a ni nawa, chuleiin interim period hun sung hi lo thei lova pawtsei a ngai a nih, a tia, hun sawtnawte ah order a suok vat ta ding thu a hril bawk.
Interim period sunga council member hlui hai sienawk an ni dim ti zawhna chu Pu Zoramthanga chun "Interim period hun sunga Council member dinghai hi ngaituo fel thawk khat an ni ta a, chulleiin sawtnaw te ah order suok a ta, iengkim chu pha chun a chieng el ding a nih a tih,"
Thulakna dangin a hril danin MNF keihruoi Mizoram sawrkar hin council member dinghai hi mi thar a ruotfel thawkhat ni ta in a hril.
Kha hma khan Pu Zoramthanga chun Congress sawrkar le HPC (D) hai inremna (Peace Accord) hi kan inza a, chuleiin Sinlung Hills Council khawm sukpuitling ngei an tum thu, chanchinbumihai kuomah a lo hril tah a nih.
Sinlung Hills Council hi Congress keihruoi Mizoram sawrkar le Hmar People's Convention (Democratic) haiin April ni 2, 2018 a inremna an ziek dungzuia indin a nia, July ni 9, 2018 khan interim council chu siem niin, July ni 13, 2018 khan Chief Executive Member (CEM) Pu Lalthalien, Imphal le mi dang 13 hai chu council member dingin laklut an nih.
Interim period fe lai mek chu vawisun (January ni 9, 2018) hin a lo tawp tah a nih.
Rep. Image
