Aizawl, 10 January, 2019, Virthli (ONP): Mizoram cabinet chun vawisun khan January ni 15, 2019 a'nthawka March ni 10, 2019 chena din 'Dry day' a lo pawtsei nawk tah.
Nikum December ni 18 khan MNF keihruoi Mizoram sawrkar chun mipuihai in Christmas le Kumthar thlamuongtak le boruok muongumtak hnuoia an hmang theina dingin December 21, 2018 le January 14, 2019 inkar chu dry day in a lo puong tah a, hi baka hin sawrkar agency hmanga zu dawr popo khawm a lo khar tah bawk a nih.
Vawisun khan Chief Minister Pu Zoramthanga keihruoina hnuoiah council of minister chu Chief Secretary Conference Hall, Aizawl ah department hran hran a'nthawka rawtna pawimawhai ngaituoin an ṭhung khawma, hi huna hin meeting chun ei hma el a Republic Day le Chapchar Kut hmangna dingah mipuihai in thlamuongtak le hlimtaka hun an hmang theina di'n January ni 15 a'nthawka March ni 10 chen Dry Day hmang zui dingin a rel a nih.
Cabinet meeting chun Mizoram sunga recognised blood bank-a thisen siekhawl hai chu a mamaw taphawt hai kuomah a thlawna pek suok vawng dingin a rel baka, Lok Sabha in Citizenship (Amendment) Bill, 2016 a pass chu pawi an ti thu le Rajya Sabha ah pass a ninawna dingin Mizoram sawrkarin thei ang angin hma la sien ti a rel bawk a nih.
Nikum December ni 18 khan MNF keihruoi Mizoram sawrkar chun mipuihai in Christmas le Kumthar thlamuongtak le boruok muongumtak hnuoia an hmang theina dingin December 21, 2018 le January 14, 2019 inkar chu dry day in a lo puong tah a, hi baka hin sawrkar agency hmanga zu dawr popo khawm a lo khar tah bawk a nih.
Vawisun khan Chief Minister Pu Zoramthanga keihruoina hnuoiah council of minister chu Chief Secretary Conference Hall, Aizawl ah department hran hran a'nthawka rawtna pawimawhai ngaituoin an ṭhung khawma, hi huna hin meeting chun ei hma el a Republic Day le Chapchar Kut hmangna dingah mipuihai in thlamuongtak le hlimtaka hun an hmang theina di'n January ni 15 a'nthawka March ni 10 chen Dry Day hmang zui dingin a rel a nih.
Cabinet meeting chun Mizoram sunga recognised blood bank-a thisen siekhawl hai chu a mamaw taphawt hai kuomah a thlawna pek suok vawng dingin a rel baka, Lok Sabha in Citizenship (Amendment) Bill, 2016 a pass chu pawi an ti thu le Rajya Sabha ah pass a ninawna dingin Mizoram sawrkarin thei ang angin hma la sien ti a rel bawk a nih.
