Responsive Ad Slot

Cachar DC le SP office tuola lungawinawna suklang a nih

Saturday, January 5, 2019

/ Posted by Simon L Infimate
Silchar, January 05, 2019, Virthli (ONP): Nikum November 24 nia Silchar hmuna Hmar nupui Pi Gracy le Pi Lalmuonpui hai chunga kutthlakna le inzawmin vawisun khan Cachar DC le SP Office, Silchar hmuna nuorna le lungawinawna suklang a nih. Hi huna hin Hmarkhawlien anthawk Bus 3 sip, Silchar HSA member, nu le pa thahnemtawk tak, Local MLA Pu Rajdeep Goala, pawl hran hran hieng All Assam Manipuri Students Union, All Assam Rongmei Naga Students Union, All Assam Tribal Sangha, Cachar, All Dimasa Students Union, Khasi Students Union, Manipuri Youth Front, Assam, Stand for People, Silchar Youth Member le District Congress party thuoitu hai an thang.

Dar 12 ah hi hun hi tan ani a, mipui pungkhawm hai chun Cachar SP chu nasatakin an khek khuma, Local MLA, pawl le hnam dang dang thuoitu haiin tuchena pawitawktuhai an la man kim naw zing chu an dem thu, dan anga hma laa, hremna hmu tawl ngei dingin chanchinbumihai kuoma hrilna an nei.

Mipuiin DC Office tuola an khek zoin DC Conference Hall ah student thuoitu le pawl dang dang thuoitu hai chun DC inhmupuina an neia, thil umdan chipchier taka hrilna nei a nih. Hi huna hin supplimentary FIR thelut nawk ani a, hi FIR a hin ST Atrocities Act zepsa a nih. Chun, District Congress in Memorandum an thelut sa bawk a nih.

Video en nuom hai chun: https://youtu.be/VfqwUAVCPic








Don't Miss
© all rights reserved
made with by Simon L Infimate