Responsive Ad Slot

CANTATA- VI 2019 hlawtling taka nei

Saturday, January 5, 2019

/ Posted by Simon L Infimate
Rengkai, January 05, 2019, Virthli (ONP): Independent Church of India (ICI) Rengkai KTP-in kum tina a huoihawt CANTATA-VI chu January 4, 2019  dar 7:00PM khan Rengkai ICI Church campus-ah hlawtling takin nei a nih. Hun hmangna hi Nk. Christina Darngawn in a keiṭhuoia, hun hawng ṭawngṭaina Rev. S. K Songate-in a nei zoin lawmlutna thucha Tv. John Buhril, Secretary, Rengkai ICI KTP-in hrilna hun a hmang. Hi huna hin Tv. Joseph Darngawn le Pu Gulith Hriler han Rengkai ICI KTP members sunga kum tina an lo inhlan hlak- KTP 'O' Year inhlanna hunser an hmang a, Tv. Immanuel Lalmalsawm le Nk. Rose Thangsuozo hai kuomah KTP ‘O’ Year Award hi inhlan an nih.

 Hi huna hin Tv. Robert Joute, Chairman, Rengkai ICI KṬP-in hunser bik hmangin KṬP Project a ding thil chi hrang hrang mi tlawmngai hai kuomah zawrsuokna a nei a, hi huna hin Rengkai ICI KṬP members han mipui fekhawm hai inchawk thei dingin food items chi hran hran le coffee/ Tea an buotsai a, hi huna sum hmua um hai hi KṬP Project a hmang a ni ding thu an hril.

Hi huna hin Guest Artistes-  Gladys Lalparzo Sanate, Jeff Akai, Niangmuanching, Joshua Buhril,  Eljay Ngaite, Obadia Ralsun, Gloria Khawlhring han inpakna hla sakin mipui fekhawm hai an inawi a, Rengkai ICI KṬP Unit sunga Artistes- Bethsy Mihriemate, Esther Khawbung, Abraham Songate hai khawm hla in mipui fekhawm hai an inawi . Live Band:  EFCI Rengkai hai anthawk inpakna hla mawi tak takel ngaithlak a ni a, hi baka hin  Entertainment: ‘The Frog In The Jungle’, ‘A Muk Hieu’ hmu nuom um tak el inentirna hun an hmang bawk. Vote of thanks James Lalrawngbawl in hrilna a nei zoin Pro Pastor Lalhmunsiama-in ṭawngṭaina in hun a khar. (Muona Infimate)




















Don't Miss
© all rights reserved
made with by Simon L Infimate