Responsive Ad Slot

The 1st Pherzawl District Level Sikpui Ruoi 2018-cum-Sinlung Hills Council Lawmna

Thursday, December 6, 2018

/ Posted by Simon L Infimate
Pherzawl, December 06, 2018, Virthli (ONP): The 1st Pherzawl District Level Sikpui Ruoi -cum- Sinlung Hills Council Lawmna chu "Lawm ei tiu" ti thupuia neiin 4th - 5th, December 2018 khan District Headquarters, Pherzawl hmun ah ropui taka hmang a nih. December 4 urlawk zan Chief Guest in Pu L. Sanga Hmar JMG, UPF & Defence Secretary, HPC (D) hmang ani a, Functional President in Pu Vanlalhlun Hrangchal DGM, Manipur State Power Distribution Company Ltd., Pherzawl District, Manipur chu hmang a nih. A nipui ni (December 5) huna hin Sikpui Pa in Prof. Vanlalnghak, NEHU a thang a, Chief Guest in Pu Dr. Chaltonlien Amo, Hon’ble MLA, 55- Tipaimukh A/C, Guest of Honour in Pi Mannuamching, IAS, DC, Pherzawl Disrtict a thang. Hi huna hin Sikpui Pa anthawk le khuollien hai anthawk thu tha tak tak ngaithlak a ni a. Pu Dr. Immanuel Zarzosang Varte anthawk ‘Sikpui Ruoi’ ti thupuia hmangin thuhrilna hun a hmang a, Kuollien in Sikpui Ruoi SOUVENIR le PHERZAWL VISION 2030 tlangzarna a nei. Zan hunah Sinlung Hills Council (SHC) lawmna hun hmang a ni a. Hi huna hin Chief Guest le Functional President in Pu Lalthalien, CEM, SHC, Mizoram le Pu L.T Hmar, Chairman, SHC, Mizoram hai an thang.


Sikpui Ruoi le SHC lawmna hunser hmang huna hin Parbung Cultural Troupe, Pherzawl District Hmar Cultural troupe hai anthawk hnam lam hmu nuom um tak tak inentirna hun an hmang a, traditional show mawi tak tak pholangna hun hmang a ni bawk. Hi hunser hmang huna hin guest artiste Mizoram anthawk Nk. Marina varte, Nk. Zairemtluangi Darngawn, Churachandpur, Manipur anthawka guest artiste Nk. Gladys Lalparzo le Tv. Jajai Singsit han mipui fekhawm hai hla mawi tak tak sakin an inawi a, veteran artiste Pu Thanglienthuom le local artistes hai khawma hla mawi tak tak sakin mipui hai an inawi. Sikpui Ruoi-cum-SHC lawmna hunser hmang hun hin Ruoi inhnik tak el the a nih.

Report kimchang lem chu nakie tieng la hung pek tum a nih.

Photograph: Muona Infimate


Don't Miss
© all rights reserved
made with by Simon L Infimate