Haflong, 6th Dec.2018, Virthli (ONP): Sikpui ruoi Hmar hai kût ropui tak el chu NCHAC hnuoia Sawrkar chawla puong a nia inthawka Silver Jubilee chu P. Hmar Lusei VA, HYA le HSA hai țhangruola huoihawtnain ursun tak le hlawtling taka hmang a nih.
Programme hi khaw pumin umni khamin, inkhelna chi dang dang hai hmanga insukhlimna nei a nih.
Sikpui Ruoi hi hmang țan kum hriet ni naw sienkhawm, NCHAC hnuoiah chawl puong pek a ei lo um (1993-2018) a inthawka tiemin Silver Jubilee a tling hriet zingna lungdaw a nih a, hi Jubilee lung hawngna hunser a hin, Pu Lalkhawmthang Hmar Asst. GB in a keițhuoi a, Hmar hnam lâm HSA P. Hmar Lusei Unit in an in entir a, Silver Jubilee lung Tv. HK Remkam Hmar (Village GB) in hawngna a nei a, Pu Lallerhau Hmar chu Sikpui Pa niin ama a inthawkin thu țha tak tak hai ngaithlâk a nih.
Zantieng hun ah khaw pumhuopin Lawisa chartang a sûongin ruoi ṭhe a ni a, khawp le thlei taka kîltlang a nih.
Chun, zan hun a hin Tv. Thangneisang Hmar le Nk. Chawimawi ha'n hnesaw takin mipui an țhuoi nawk a, khawsung mi hlasak thiem tak tak hai le talent țha tak tak nei haiin mipui an inawiin an suk hlim el khel ah khawsung GB, HYA, HSA le Kohran tienga țhuoitu haiin thu hril tawi hun neiin thu țha tam tak an hril bawk.
Tiena ei pi-le-pu hai khan Sikpui Ruoi inremna (A feast of peace) tia an lo hmang hlak, malsawmna petu thlai le an malsawmna a petu nia an lo ngai hlak Fapitenu suklungawina dinga an ințawm tlang, an chên tlang hlak Sikpui Ruoi an ti chu P. Hmar Lusei khuo mipuihai khawmin malsawmna petu Pathien hring suklungawina ding le hnam nunphung, hnam zierang pholangna el khel ah kohran, khawtlang, mimal, pansak-panthlang kar ah inremna ruoi hmang a nia inthawk hung rasuok nuomna lungril neiin an hmang a, tlawmngaina țhangthar haiin an inhmang mek chu sukhring thar nawk a inlungruolna le in unauna țha, khawtlang le Hmar hnam lai par anga hung vul thar nawk an nuom thu hai uor takin inhril tawnna hai an nei a nih.
Programme hi khaw pumin umni khamin, inkhelna chi dang dang hai hmanga insukhlimna nei a nih.
Sikpui Ruoi hi hmang țan kum hriet ni naw sienkhawm, NCHAC hnuoiah chawl puong pek a ei lo um (1993-2018) a inthawka tiemin Silver Jubilee a tling hriet zingna lungdaw a nih a, hi Jubilee lung hawngna hunser a hin, Pu Lalkhawmthang Hmar Asst. GB in a keițhuoi a, Hmar hnam lâm HSA P. Hmar Lusei Unit in an in entir a, Silver Jubilee lung Tv. HK Remkam Hmar (Village GB) in hawngna a nei a, Pu Lallerhau Hmar chu Sikpui Pa niin ama a inthawkin thu țha tak tak hai ngaithlâk a nih.
Zantieng hun ah khaw pumhuopin Lawisa chartang a sûongin ruoi ṭhe a ni a, khawp le thlei taka kîltlang a nih.
Chun, zan hun a hin Tv. Thangneisang Hmar le Nk. Chawimawi ha'n hnesaw takin mipui an țhuoi nawk a, khawsung mi hlasak thiem tak tak hai le talent țha tak tak nei haiin mipui an inawiin an suk hlim el khel ah khawsung GB, HYA, HSA le Kohran tienga țhuoitu haiin thu hril tawi hun neiin thu țha tam tak an hril bawk.
Tiena ei pi-le-pu hai khan Sikpui Ruoi inremna (A feast of peace) tia an lo hmang hlak, malsawmna petu thlai le an malsawmna a petu nia an lo ngai hlak Fapitenu suklungawina dinga an ințawm tlang, an chên tlang hlak Sikpui Ruoi an ti chu P. Hmar Lusei khuo mipuihai khawmin malsawmna petu Pathien hring suklungawina ding le hnam nunphung, hnam zierang pholangna el khel ah kohran, khawtlang, mimal, pansak-panthlang kar ah inremna ruoi hmang a nia inthawk hung rasuok nuomna lungril neiin an hmang a, tlawmngaina țhangthar haiin an inhmang mek chu sukhring thar nawk a inlungruolna le in unauna țha, khawtlang le Hmar hnam lai par anga hung vul thar nawk an nuom thu hai uor takin inhril tawnna hai an nei a nih.
