Responsive Ad Slot

Hmunṭhazau ah ran that meuin Sikpui Ruoi Silver Jubilee lawm

Thursday, December 6, 2018

/ Posted by Simon L Infimate
Hmunṭhazau, December 06, 2018, Virthli (ONP): Zani khan Hmunṭhazau khuo a Sikpui Ruoi Silver Jubilee chu ran that a lawm a nih. Hi hun a hin Chief Guest in Pu SK khawbung, Additional Chief Housing Officer, Assam State Housing Board chu hmang ani a, Guest of Honour in Pu Lallienzuol Hmar, Assistant Professor, RS Girls College Karimgangj le Sikpui Pa in Pu Laibatkung Hrangate hmang a nih.


Hi hun hi hun li a ṭhe ani a, hun khatna hun hmasa tieng Sikpui Ruoi hawngna, mipui hlasakna le mipui lawmlutna hun hai hmang a nih. Hi hun a hin Guest hai chawimawina nei niin, thuhril ngaithlakna anni haia inthawkin nei ani bawk a nih. Sipui Ruoi chanchin hrilna Mr. Lalnghillo Joute in a neia, hnam lam inentirna Hmunṭhazau Cultural Troupe haiin an nei zawm nghal a, hun karlaka hla ngaithlak a nih. Hi huna hin mipui lai Hmar MIL Fund ding dawl ani bawk a nih. Hun khatna hmang zo hin thingpui ruoi ṭhe a nih.

Hun hnina ah Jubilee Lung hawngna Chief Guest in a nei zoin Sikpui Ruoi inhnik tawk tak el ṭhe a nih.

Ruoi ṭhe zoin hun thumna ṭan nawk nghal ani a, hi hun hi Worship Service huna hmang niin Pathien thu hrilna Pastor Japhet R Puruolte, EFCI in a nei.

Hun lina chu zan 6 in ṭan ani a, hi hun hi Cultural prokram a hmang a nih. Hlasakthiem hieng Nk. Lalrimawi Inbuon, Pu S kunga le Tv. Joel Thluchung haiin mipui hlim takin an inawi.


Don't Miss
© all rights reserved
made with by Simon L Infimate