Responsive Ad Slot

Silchar khawpuia Ui inchawk leia kut tuor

Tuesday, December 4, 2018

/ Posted by Simon L Infimate
Hmarkhawlien, December 04, 2018, Virthli (ONP): Liemtah November 24, 2018 (Inrinni) khan Sichar khawpuia thlai hmeruo zawra bazaar kai nupui pakhat chu ui an chawk leiin kut a tuor. Hi thil hi Mission Compound, Jail Road laia hmeruo bazaar/an inthungpuina hlaka tlung a nih. Siettuok hi Pi Lalmuonpui w/o Pu Vanlalro, Vengsak, Hmarkhawlien a nih. Thulakna in a hril dan chun Pi Lalmuonpui hin Ngaiban Ramthar kuoa Pu Muona in Ui chal a hung chawi chu a lo inchawk a. Ui inchawkna pawisa sum an inpek vel lai chun an bul hnaia lo um hnam dang thenkhatin a rukin thla an lo lak a. Zantieng a hung ni chun vai nupui pathum vel hungin Pi Lalmuonpui a chungah kut an hung thlak tah a nih. A bula hmeruo zawra inthung ve tho Pi Grace a chunga khawm kut thlak sa a nih.

Hienga buoina a tlung hnung hin Silchar Police hai hungin Pi Lalmuonpui le a ruolnu Pi Grace hi Sadar Police Thana tieng an thuoi phei a. Thei ang anga chanchin inhril dar a ni hnungin Silchar khawpui sunga Hmar inchuklai HSA thuoituhai chun an bawzuin nghal a. A zan vek khan Thana anthawk Pi Lalmuonpui le Pi Grace hai hi thuoi suok nawk nghal an nih.

Pi Lalmuonpui hi kut a tuorna ana bik zuol deu leiin inrinni zan dar 8 khan Police thana a’nthawk Silchar Medical College tieng in en dinga thuoi phei a ni a. Doctor haiin a ngirhmun derthawngah an lang nia an hriet naw leiin thuoi suok nawk nghal niin an chengna Hmarkhawlien tieng panpui a nih.

Hi thil tlung le inzawma a video hi Social networking sites haiah nasa taka thedar ani a, a thena an hril dan chun Uisa an zawr leia Animal Rights group haiin kut an thlak nia hril a nih. (with input from THT)



YouTube Link: https://youtu.be/pLxrFo-DhcI
Don't Miss
© all rights reserved
made with by Simon L Infimate