Responsive Ad Slot

Dec. 6, 2018 in Team Virthli member Tv. Henry le Nk. Margy in "Tiem tlat e..."

Tuesday, December 4, 2018

/ Posted by Simon L Infimate
Shillong/Aizawl, December 04, 2018: Team Virthli member/Admin nilai le Hmar hai chanchin Regional le National newspapers haia ziek hlaktu ei Journalist suongum Tv. Henry Lalhlimum Khojol S/o Pastor H.K. Sumkham, Saiphai, Sinlung Hills chun hun iemani chena inthawk tah a ringum tak le hlimum taka a lo inzuipui Nk. Margy Lalremruati D/o Pu B. Zahunga, Khawlian, Mizoram chu "Tiem tlat e..." tia, damsunga ṭhenaw biethu inhlan dingin thuthlukna a lo siemfelpui tah.

Tv. Henry nuhmei huol Nk. Margy hi HSA Platinum Star Hunt 2014 nei ṭuma 2nd Runners-Up niin, tulaia Hmar in hlasakthiem ei nei hai laia inlar pawl ve a nih. Music Album hai chen khawm lo siem tah, hnam tadinga inpezo ve em em el, Hmar hnam in thil a thaw changa an ko kalang hlak le thafan taka fe hlak a nih. (A chanchin hre sap nuom hai chun a link a hin tiem thei a nih:https://goo.gl/nJbQUc)

Tv. Henry le a nuhmei huol Nk. Margy hai hi hungtlung ding December 6, 2018 chawhnung dar 12:00 hin Aizawl EFCI Church, Ramhlun North, Aizawl, Mizoram ah kohran le mipui hriepuitu tam tak hmaah kut insui an tih. Kut an insui zo hin Ramhlun Indoor Stadium Conference Hall ah Joint Reception le mo lawmna ruoi ṭhe a ni bawk ding a nih.

A hranpa taka card sem a ni naw a, Virthli (Online News Portal) tiemtuhai popo hi inneina hrietpui ding le lawmpui dingin ngaina taka fiel ei nih.
Don't Miss
© all rights reserved
made with by Simon L Infimate