Responsive Ad Slot

NPT Central Choir in Thanksgiving Program an hmang

Wednesday, December 19, 2018

/ Posted by Simon L Infimate
Muolvaiphei, December 19, 2018, Virthli (ONP): Nehemia Prayer Team(NPT) Central Choir hai chun vawisun December 19, 2018, dar 11:00AM khan NPT Prayer Mountain, Muolvaiphei-ah Thanksgiving program an hmang. Hun hmangna hi Tv. Vanrothangin a keithuoia, Rev. Vanlalruot Joute, Chairman, Central Committee, NPT anthawk Pathien thucha ngaithlak a nih a, NPT Choir Conductor a inthawk thuhril tawi ngaithlak a nih. Hi huna hin Tv. James Lallungmuon, Secretary, NPT Central Choir in kum 2018 sunga an thilthawhai report pekna a nei a, NPT Central Choir le Choir members sunga mimal hlasakthiem hai anthawk Pathien inpakna hla ropui tak takel ngaithlak a nih.


Pathienin NPT Central Choir hieng chen a thuoi tlungna le tluong taka a rawngbawl theia an um lei le, Nu le Pa han NPT Central Choir hai rawngbawlna tlawpa Choir members dinga phal taka an nauhai an peksuok leia hi hunser hi an huoihawt a ni thu Virthli Palai an hril. Lawmthu hrilna Pu Jonathan F. Tusing, Chairman, NPT Central Choir in a nei a, Upa Lalmanlien, Co-Ordinator, NPT in Pathien kuoma Ruoi inhlanna a nei zoin, nu-le-pa fekhawm hai Choir members han ruoi inhnik takel an kiltlangpui.

NPT Central Choir hi kum 2001 khan indin a ni a, Choir members hai hi kohran dang dang a inthawka members fekhawm an ni a , khuo hran hran le kohran hrang hrang a hai hla a rawngbawlna nei hlak an nih. Kum 2018 hun sung hin NPT Central Choir chun Tonic solfa Camp dam, hla a inruolsiekna Voice of NPT Choir le hmun hran hran ah hai fund rise na dingin One Day Market an huoihawt hlak a,  Happiness Home kanna neiin thilpek inhlanna an nei hlak a, hmuntin le ram tinah an thei ang tawk peiin Pathien inpak le chawimawiin  rawngbawlna an nei hlak a nih. NPT Choir hai chun Thankgiving program an hmangzo hnungin, zan hunah Gift exchange hai neiin Advent Christmas hlim takin an hmang.
Don't Miss
© all rights reserved
made with by Simon L Infimate