Responsive Ad Slot

Awareness On Social Evil-cum-Thiemfilawr Chawimawina 2018 hmang

Thursday, December 20, 2018

/ Posted by Simon L Infimate
Sielmat, December 19, 2018, Virthli (ONP): Sielmat Welfare Committee le Hmar Students’ Association, Sielmat Unit in an huoihawt Awareness on Social Evil-cum-Thiemfilawr Chawimawina hunser chu December 18, 2018 dar 6:00PM khan Sielmat Community Hall ah hmang a nih. Hun hmangna hi Tv. Lallawmum Khawbung, Vice- President, SWC in a keithuoia, Rev. Soma Sinate, Superintendent, EFCI NSSD in hun hawng tawngtaina a nei a, Tv. Jessai Pudaite, President, HSA Sielmat Unit in keynote Address hrilna hun a hmang.

Hi huna hin Tv. John Ringsan, Project Co-Ordinator, SHALOM in Awareness on Social Evil thupuia hmangin thuhrilna hun a hmang a, inruithei thilin mimal, insung le khawtlang a nghawng siet dan hai chipchier takin a hril a, inchuklai fekhawm hai chu inruithei thil chi hran hran a inthawka inveng fimkhur seng dingin infuina thu a hril tawl. Hi huna hin Tv. Eric Fimate, Secretary, HSA Sielmat Unit le Nk. Sally Pakhuongte, Education Secretary, HAS Sielmat Unit han kum 2018 a Sielmat khaw sunga inchuklai class tina (Cl-A to Cl-IX) final examna a toppers mi 11 hai kuomah Chawimawina Memento inhlanna an nei a, Rev. Dr. James R. Ruolngul-in toppers hai po tawngtai pekna a nei. Hi huna hin Mr. Robert Joute in a thiemthil magic show a nei a, mipui mit tleiin, mipui fekhawm hai mak ti a tling hle! Nk. Mary Tuolor-in hla mawi takel sakin mipui fekhawm hai an awi.

Hi hunser hi Sielmat khawsunga Organisation tum tum a thuoitu han an uop a, HWA Sielmat Unit a thuoitu hai anthawk thuhril tawi ngaithlak a ni a, HSA CCpur JHQ a Gen.,Secretary dinga thlang thara um Tv. Eric Fimate a inthawk thuhril tawi ngaithlak a ni bawk. Hun khar tawngtaina Pu Ebenezer Sinate, Secretary, Sielmat Welfare Committee-in a nei zoin hun hi khar a ni a, light refreshment sem a nih


Don't Miss
© all rights reserved
made with by Simon L Infimate