Responsive Ad Slot

Mumbai Hmar Welfare Association SIKPUIRUOI 2018 hlawtling taka hmang

Sunday, December 9, 2018

/ Posted by Simon L Infimate
Mumbai, Dec. 9, 2018, Virthli (ONP): Mumbai Hmar Welfare Association chun SIKPUIRUOI 2018 chu hlawtling takin Dec. 8 sun le zan haia khan Indian Airlines Colony, Mumbai ah an hmang.

Hi hun a hin Comperes in Pu Lalremsang Pudaite & Pi Rothangmawi Inbuon an ṭhang a, Hun Khatna (1:00-6:00 PM) hun a chun Opening Prayer Pi Chalngaizuol in a nei zoin Mipui Hlasakna umin "Dar ang lengna" ti hla saktlang a ni a, Welcome Address Pu Zoliensang Joute (MHWA Vice Chairman) in a nei a, Vengbuk Sikpui hla sak Competition Kolivery & Big Villag- Air India Rd) nei a ni zoin Secretarial report Pu Michael Joute (Secy, MHWA) in a nei a. Malzai Tv Joshia Darngawn a inthawk ngaithlak niin Vengbuk Sikpui hla sak Competition Juhu-Khar, Andheri-RoM, Punjabichawl-Masjid lane & Vashi haia inthawk nei zawm a ni a, Finance Report Nk Jire Infimate (Secy Finance) in a nei a, Malzai James Kunga inthawk ngaithlak niin Fresher’s Introduction Tv Joseph Zarzothang Joute (Asst. Secy. Games & Sports) in a neizoin Election Commissioner (Pu Darthangluoi Sinate & Pu Lalremsang Pudaite) hai inrawinaa MHWA 2019-2020 Ṭhuoitu ding thlangna nei a nih.


Hi zo hin Malzai Tv James Sanate a inthawk ngaithlak a umin Election Result Pu Darthangluoi Sinate (Chairman MHCF) in puongna a nei a, thlangtlinga um hai chu hieng hai hi an nih:-
Chairman - James Zoliensang Joute,
Secretary - Michael Joute
OB member hai - Jehova Fimate, Jire Infimate, Rothangmawi Inbuon, Dorothy Khawbung, Ruthi Joute, Lunmang, Simeon Joute, Robin Joute.

MHWA OB thar hai ṭawngṭai pekna Pastor Rimson Joute in a nei.

Traditional show Pi Rothangmawi Inbuon inrawina'n nei a ni a, Ruoi Inhlanna Pu Lalnghatlien Varte in a neizoin tlai le khawp taka Sikpui Ruoi kiltlang a nih.

Hun Hnina (7:00-9:00 PM) nei nawk a ni a, Malzai Artiste haia inthawk ngai thlak a ni a, MHWA-Sikpuiruoi 2018 Mr & Miss thlangna nei niin Miss in Jubilee Neitham le Mister in Lalzarsang Khawbung hai thlang an nih.

Vengbuk Sikpui hla sak Competition result & Prize distribution Pu James Zoliensang Joute (Vice Chairman, MHWA) in puongna a nei a, a thiem tak lawmman chu Big Village - Air India Rd in an dawng a nih. Hun karlak a hai Malzai Artiste haia inthawk ngaithlak nawk pei niin puong ding ṭul hai puong a ni zoin Lawmthu Hrilna le Hun khar ṭawngṭaina Pi Darṭhamawi in a neizoin hun hmang zo a nih.









Don't Miss
© all rights reserved
made with by Simon L Infimate