Responsive Ad Slot

Chandigrah ah Sikpui Ruoi hlimum taka hmang

Sunday, December 9, 2018

/ Published by VIRTHLI
Chandigrah, December 09, 2018, Virthli (ONP): Zani (8th December, 2018) khan Bal Bhawan Auditorium, Sector 23B, Chandigarh ah Chandigarh Hmar Welfare Association (CHWA) inrawina hnuoia Sikpui ruoi hmang a ni a, hun hlimum taka hmang a nih. Hi huna hin Pu V L Renga Hriler, Director (Personnel) Dte General NCC, Ministry of Defence, New Delhi chu Sikpui Pa in hmang a nih.


Sikpui hunser hi Pu Samuel Keivom le Nk. Immanuel Hmar haiin hnesaw takin an keihruoia, Pu L Shyama, Adviser CHWA le Chairman, Hmar Christian Fellowship, Chandigarh in hun hawng á¹­awngá¹­aina a nei zovin mipuihai kut insuiin Sikpui Hlapui sak a nih. Pu B. Lalvarliana Sungte, Chairman, CHWA in mikhuolhai le mipuihai lawmlutna hun a nei zovin Sikpui Pa Tawnlairang intawntirna le chawimawina Thangsuopuon insiltir a nih.

Sikpui Pa Pu V L Renga chun ṭhangtharhai nunphung siemṭhatna dingin Pi-le-puhai nun dân thlirkir nawk (back to basic) a pawimaw zie ti thupui hmangin thu ṭha tak tak a hril. Ei pi-le-puhai khan Basic Principles of Economics - intodelna - indiktakin anzui hlak a, kum khat khawp tawk thlo suok tumin hma an lak hlak. Khawtlang rorel thila khawm democratic principles (mipui rorelna) le communism (khawtlang hausakna sem sem dam dam) thiem takin an hmang kawp hlaka, chuleiin, hmangaina, indikna le taimaknain ro a rela, an hlut saka, an nunphung laia pawimaw em em a ni hrim thu a hril. A hril peina a chun social values a hung danglam peia, a rasuok harsatnahai khawm a hung danglam pei a nih. Chuleiin, ei hlutsak zawnghai hi ennawn a hun tak zet a. Pi le pu tlawmngaina khawm hi ṭhangthar khawvel um sung chu a hlutna bo ngai naw nih. Mihriemhai changkang deu deu ei ta, tlawmngaina pawimaw zie khawm an sang deu deu ding a nih. Tlawmngaina in ramri a nei nawa, tawng ei nei bawk nawa, ei sakhuona le khawm in rem thlap a nih tiin a hril. Chuleiin, ṭhangtharhai hin ei pi-le-puhai principles-hai theinghil lova suk vul pei tu ding ei ni thu hai a hril.

Hi huna hin Pi Betsy Keivom le Pi Zodin Kochhar-hai inrawina hnuoia hnam thuom chi hrang hrang naupanghai le nunghak haiin suk langna (Fashion Show) an nei a, Sikpui Pa PuV.L Renga le Nk. Tluongi hai chu Mr. le Miss Sikpui Ruoi a thlang an ni bawk, mipui an suk hlim hle. Delhi tienga inthawk hlasakthiem fiela um Nk. Zaithankungi Selate, Nk. Preety Inbuon, le Tv. Chane Faihengha’n hnam hla’n mipui an inawia, unau Mizo tieng a inthawk hlasakthiem Nk. Caryn Punte, Pi Nungteii le Pu Mesak le Chandigarh artists le performer dang dang han mipui an suk hlim hle a nih.

Tv. Vonga Kawnga Khawlum anthawk CHWA Secretary report tawi fel tak ngaithlak a nih. Nikum 2017 khan Chandigarh Sikpui Ruoi hmang a ni nawa, a san chu Chandigarh a cheng Hmar nauhai natna le bawrsawmna chi dang dangin a a thlak buk leiin kum á¹­hat kum nia ngai an naw lei a nih. Kum 2018 ruk hin chu kum á¹­hat kum nia ngaiin hlimtakin ei hmang ding a nih tiin report a pek bawk. CHWA Chairman Pu Lalvarliana Sungte nau nuhmei tleirawl pathumhaiin choreography mawitak an inentir bawk. Pu Fredrick Pudaite Vice Chairman, CHWA in lawmthu hrilna hun a hmang zovin Rev. Hnamtinthangin hun khar á¹­awngá¹­aina a nei. Zantieng Sikpui Ruoi inhnik tak el hlimtaka kil tlang a ni zovin hun dit khawp lo tak le ingngai tak pumin 8:30PM a iná¹­he dar a nih.







Don't Miss
© all rights reserved
made with by Simon L Infimate