Responsive Ad Slot

HNENA THANGSUOPUON LA SIL NGEI EI TIH

Sunday, December 9, 2018

/ Posted by Simon L Infimate
~ Jami Darngawn

Nitin a kan thaw hlak angin ka naupa a upa lem chu insilna pindan (bathroom) sunga chun an sil hma'n hun iemani chen aum hlaka (inhnawm hun a nei hlak) Nov 26, 2018 chun mak takin a sungtieng chun khawtkhar chu a lo kal pala 'Tawi, hung hawng rawh' tia khek rak rakin umzie a nei sie nawh.


A tawp ah beidawngin tukvera va lut dan kan ngaituo tah a, chu taka lut ding chun tlangval/tleirawl pakhat a hung inpek suok a, chuongchun harsa tak le fimkhur takin banga chun a lawna, bathroom tukvera chun ava luta bathroom kawtkhar chu a hung hawng tah a, chuongchun ka lawm taluo leiin ka hnukin a mi ul rak a nih.

Ka thil tawng le ka umdan hai hi umzie nei a lo ni hlak leiin Lalpa ropuina dingin ka hung suklang lem hlak a nih.

Chuongchun, tlangvalte kawt va hawngtupa chu ka lawm taluo leiin Hmar Thangsuopuonte kan battir hiel a nih.

Kan thiltuok hin inchuk ding tam tak ka nei pha nghe nghe a, thil tam tak ka ngaituona a um bawk a nih.

Ka naupa chun a thilthaw kha umzie a hriet nawh a, khawt hawng nachang khawm a hriet naw leiin sansuok a ngai ang bawkin. Hi khawvela khawm hin thlaraua sansuok ngai tam tak an um a nih ti chu Lalpa mi biekna a nih.

Thlaraua sansuok ngaihai sansuokna ding chun mitin-in thei angtawka țhang lak a țul lai zingin kei ruok chun nghawk hun ka nei hlak a, diktak chun ka thei ve sun hai khawm hi ka pei naw ngawi ngawi hlak a nih.

Amiruokchu, ka nuom chin chara Lalpa rawng ka bawl ani chun lawmman dawng phak veng ka ti'm le ???

Nuom chin ram khel'a, nuom naw chin ramaa lem an nawm! Lal sipai ha'n țhang ei lakna ding chuh.

Ka pindan a chun ka luta, ka nau pasalhai pahni tadinga ka siețhat lieu lieu Hmar Thangsuopuonte ngei chu a pakhat lem ka lak dawka lawmman dawngtlak dinga sinthawtu tlangval fel em em chu kan battir angin.

Nang le kei Krista sipaițha khawm hin, rinumna le harsatna tam tak fethlengin Lalpa Rawng bawl ei ta, chuongchun Lal pindan sunga um Rohlu le Hnena Thangsuopuon ei ta dinga buotsaia um chu la chang/sil ngei ei tih.

In rohluo ding lawmman chu Lalpa kuoma inthawkin in hmu ding a nih ti hre zingin, Lal Krista rawng in bawl a ni hi.
Kol 3:24.

LALPA ROPUI RAW SEH!
Don't Miss
© all rights reserved
made with by Simon L Infimate