Responsive Ad Slot

HYA JHQ NC Hills in Chawimawina an hlân

Saturday, December 22, 2018

/ Published by VIRTHLI
Muolhoi, December 22, 2018, Virthli (ONP): HYA JHQ NC Hills chun Mr.Dima Hasao 2018 Nopui dawmtu Tv.Jimmy Joute, Muolhoi le Mr.Dima Hasao 2017 hluotu Tv. Azaria Joute Muolhoi hai kuomah chawimawina Memento an hlan. Anni pahni hi December 19, 2018 nia 46th Assam State Inter District Body Building Championship/ Mr. Assam 2018 inelna a khawm khan Third Place an lâk ve ve bawk a nih.


Hmar tlangval suongum le ei uongpui hai pahni hi "TAK AN LÂKNA" Gym and Body Builder sersuok lieu lieu an nih. Hi GYM neitu le inchuktirtu hi Pu Zara Joute Muolhoi a nih. Hieng ang hlawtlingna ropui tak ei hnam sung ngei ah chang theia ei umna san hi ama taimakna le sin inrim ra ana, hnam hmingin chibai ei bûk khel ah HYA JHQ NC Hills chun Memento mawi tak an hlan a nih. Pu Zara Joute hi mi ringum le taima, biek inhawi tak el niin, tuhin Hmar Inpui NC Hills ah Treasurer sin chellai zing le Hmar Artists Association NC Hills JHQ President ni lai zing a nih. A Gym hlawtlingna hi ei lawmpui hle a, hnam chawisangtu hmangruo pawimaw tak an leiin, hmatieng hlawtlingna nasa lem dawng pei dingin HYA JHQ NC Hills chun ditsakna an hlân.



Don't Miss
© all rights reserved
made with by Simon L Infimate