Haflong, December 22, 2018, Virthli (ONP): North Cachar Hills Autonomous Council (NCHAC) term tawp tah, vawi iemanizat pawtseia um chu sawrkar notification suok dungzuiin hung tlung ding January 19.01.2019 hin inthlangna nei ni tang a tih. Nomination file hun ding chu 24.12.2018 a inthawk 03.01.2019 chen ning ata, scrutiny thawna ding hun chu 04.01.2019 niin, candidate ding hai puonglangna chu 04.01.2019 ning a tih. Inhnukdawk hun ding hi 07.01.2019 ni bawk a ta, hi ni vek hin Candidate ding hai hming chiengtaka puonglangna nei ni bawk a tih. Vote thlak hun hi 19.01.2019 zingkar dar 7 a inthawka chawhnung dar 3 chen ning a tih. Re-poll ding a lo um chun re-poll hun ding chu 21.01.2019 a nei ning ata, vote hi 22.01.2019 zingkar dar 8 a inthawkin tiem ning a tih.
