New Delhi, December 21, 2018, Virthli (ONP): All Assam Students Union le Assam rama Indigenous organisation 30 hai chun Jantar Mantar, New Delhi hmuna Citizenship Amendment Bill 2016, Foreingers (Amendment) Order, 2015, Passport (Entry into India) Notification 2015, Long term Visa hai dit naw leiin Sit-in Demonstration an nei. Hi huna hin N.C Hills District sunga students inzawm khawm N.C Hills Indigenous Students Forum aiaw in Tv. David Keivom, President, NCHISF le Pu Robert Changsan President, KSO Assam hai an ṭhang. Hi huna hin Assam Accord implement dingin an ngen bakah BJP Sawrkar in Assam rama indigenous mi hai nêkin Bangladesh mi hai a ngaituo lem hi an dem in pawi an ti hle thu, BJP sawrkar in Assam mipui hai pawi ti zawnga hma a lâk sunzawm pei a Citizenship Amendment Bill hi pass an tum ṭal ani chun Assam ram a buoina namênlo intlun a ta, amaw chu sawrkarin phur a tih tiin hi Sit-in Demonstration huna hun neitu hai an'thawk ngaithlâk a nih. Sit-in Demonstration hi Assam rama khawm nasa taka lo nei tah niin NESO hai khawmin hi Bill hi do ve in, hieng ang protest a hai hin ṭhang ve in an lo huoihawt ta hlak bawk a nih.
