Shillong, December 02, 2018, Virthli (ONP): Pi Lalbiekmawi Zote w/o Pu RM Zote, Happy Valley, Shillong chun kut ngeiin Holy Bible a ziek suok. Pi Lalbiekmawi Zote hin February 20, 2018 khan a ziek ṭan a, Thuthlung Thar a ziek ṭanin ni 58 sungin a zo a, Thuthlung Hlui chu ni 149 sungin a ziek suok a, Holy Bible Bu pumpui a ziek sung hi ni 207 chau a aw a nih.
Midang hai thaw naw dan metin Thuthlung Thar (New Testament) hi Sapṭawng (English) ami a ziek a, Thuthlung Hlui (Old Testament) chu Hmar ṭawng ami a ziek a nih. Holy Bible a ziekna ding hin A4 size paper a hmanga, Thuthlung Thar po a ziekna hin phek 725 a hmang zo a, Thuthlung Hlui ziekna hin phek 2470 lai zet a hmang zo a nih. A thlûk le chuk neu neu hai khawm a bu a inziek dan ang thlapin a ziek a nih. A Bible ziek hi ṭha tawk taka lekhabu (binding) anga siem ani nghe nghe a nih.
Pi Lalbiekmawi Zote chun nuompawnga ziek el niloin, lungril le titak zeta a ziek thu, a zik ṭan ni khawm Pastor Hrangdailo, EFCI in ṭawngṭaina in anhlan pek dap thu le a ziek zo ni khawm Pastor Hrangdailo bawkin ṭawngtai lawmthu hrilna a nei pek thu Virthli a hril.
Holy Bible Bu 66 a ziek sung hin Bu khat a ziek zo zatin Pathien kuomah ṭawngṭai lawmthu hrilna a nei hlaka, a nawka a ziek ding hai inhlanna a nei zie hlak thu le a ziek ṭan tawm zatin ṭawngṭaina neiin a ziek ṭan chau hlak thu hai a hril. Pi Lalbiekmawi Zote hin Holy Bible a ziek suok bak a hin vawi 4 lai zet a lo tiem suok ta bawk a nih.
Midang hai thaw naw dan metin Thuthlung Thar (New Testament) hi Sapṭawng (English) ami a ziek a, Thuthlung Hlui (Old Testament) chu Hmar ṭawng ami a ziek a nih. Holy Bible a ziekna ding hin A4 size paper a hmanga, Thuthlung Thar po a ziekna hin phek 725 a hmang zo a, Thuthlung Hlui ziekna hin phek 2470 lai zet a hmang zo a nih. A thlûk le chuk neu neu hai khawm a bu a inziek dan ang thlapin a ziek a nih. A Bible ziek hi ṭha tawk taka lekhabu (binding) anga siem ani nghe nghe a nih.
Pi Lalbiekmawi Zote chun nuompawnga ziek el niloin, lungril le titak zeta a ziek thu, a zik ṭan ni khawm Pastor Hrangdailo, EFCI in ṭawngṭaina in anhlan pek dap thu le a ziek zo ni khawm Pastor Hrangdailo bawkin ṭawngtai lawmthu hrilna a nei pek thu Virthli a hril.
Holy Bible Bu 66 a ziek sung hin Bu khat a ziek zo zatin Pathien kuomah ṭawngṭai lawmthu hrilna a nei hlaka, a nawka a ziek ding hai inhlanna a nei zie hlak thu le a ziek ṭan tawm zatin ṭawngṭaina neiin a ziek ṭan chau hlak thu hai a hril. Pi Lalbiekmawi Zote hin Holy Bible a ziek suok bak a hin vawi 4 lai zet a lo tiem suok ta bawk a nih.
