Responsive Ad Slot

Lungthulien khuo buoina le inzawma HPC (D) Manipur Region thurel

Sunday, December 2, 2018

/ Posted by Simon L Infimate
CCPur, December 02, 2018, Virthli (ONP): Lungthulien khuo buoina le inzawmin HPC (D) Manipur Region chun Emergency Meeting an neinaa resolution chu mipui tiem thei dingin a hnuoia ang hin an insuo.
----------------------

HMAR PEOPLE’S CONVENTION (DEMOCRATIC)
Manipur Region, Emergency Meeting

Date: 1st December, 2018
Place: Rengkai
Time: 8:30PM

Tarik 1st December, 2018 (Saturday) a Hmar Inpui GHQ , Hmar Christian Leaders Forum (HCLF) le HPC(D) Manipur Region hai Joint meeting na le inzawmin HPC(D) Manipur Region chun emergecy meeting a ko nghal a. Lungthulien khuo buoina le inzawma hrila um angin a hnuoia thutlukna ang hin rel a nih.

1. Lungthulien khaw sunga organisation thenkhat le Job Card holder haiin tarik 24th November a Lungthulien Government High School hmuna meeting an nei na le inzawma Churachandpur Deputy Commissioner kuoma lekha an pek na a hrila um Mr Lalchuoilo of Lungthulien le Mr Tlansang of Rawvakawt, HPC(D) Manipur Region Cadres nia insal haiin Mr Lalsuonglien kuoma inthawka Job Card (MNREGS) pawisa lakpek anih ti hih an lakpek ni lem loin Lungthulien Chairman thar Mr Ralkapthuom kuta an inhlan ani lem a nih.

2. HPC(D) Manipur Region Cadres-in an nuom hun huna Lungthulien Village Authority Chairman le Secretary an thlak an ti hi thukhel le thu belchieng dawllo anih. Mr Ralkapthuom, Lungthulien V/A Chairman thar hi Manipur Government in tarik 28/12/2017 a a approved sa HPC(D) Manipur Region in a pawmpui ve el a nih.

3. HPC(D) Manipur Region, Cadres haiin vehicles le Traders haia Tax an collect an ti khawm hi HPC(D) Organisation hming an suksiet tumna le an hmelmak zie in entirna a nih.

4. HPC(D) Manipur Region, Cadres haiin 10% Material Cost le 5% Main day an divert an ti khawm hi HPC(D) Organisation hming an suksiet tumna le an hmelmak zie in entirna bawk a nih.

Hieng a chunga points pali (4) thu mumal bo hekna (complaint) lekha zieka Churachandpur, Deputy Commissioner kuomah an thawnna ah mi paruk (6) ngawtin signature an thaw el hih HPC(D) Manipur Region chun a hrietthiem thei naw a. Hienga indiklo le mawilo taka Hmar Hnam Sipai, sawrkar kuoma heka a um el hih, hek-a um haiin thiemnaw kan inchang takzet a. Hnam hmelma in kan puong nghal.

Chun, Hmar Inpui GHQ le Hmar Christian Leaders Forum (HCLF) in anlo ngai khawk em em Hmarbiel Motor Service haia Lungthulien mi-le-sa chuong khap thu ti zâwnna, indawna kan um hih hieng ang hin zâwnna kan indawn lêt ve.

1. Iengleia Lungthulien JAC haiin Lungthulien khuo-ah motor service lut an khap am ana?
2. Iengleia Lungthulien khuo a mikhuol lut anlo khap am ana?
3. Iengleia Lungthulien mi-le-sa ngei ngei HPC(D) Cadres (Hnam Sipai) hai Quit Notice pea

Lungthulien khuo suoksan dinga anlo hnawt dawk am ana? Hieng hi thil umdan ani leiin a chunga points tarlanga um hai hi ngunthluk taka kan ngaituo tlang le kan rel angin Job Card (MNREGS) le Village Authority Chairman chungchang el chau niloin, Hnam pumpui hmusitna, Hnam sipai diriemna le thuruk inthup anla hril dawk lo a um ani ti kan chieng a. Chuong ani lei chun hienga hnam hmusitna hi keini Hnam sipai haiin tosan el kan tum nawh.

Lalpa mi thangpui rawh


Recording Secretary,
Sd/-
(Dr. ROMEO HMAR)
HPC(D) Manipur Region



Don't Miss
© all rights reserved
made with by Simon L Infimate