Pune, December 09, 2018, Virthli (ONP): Zani (December 8, 2018) khan a vawikhatna dingin Hmar Students’ Association, Pune Branch huoihawtna hnuoiah Pune Hmar nauhaiin, Bible Center, Salisbury Park, Pune hmunah Sikpui Ruoi ropuitakin an hmang. Programme hi Hmar hlasakthiem inlar pahnih Tv. Joshua Hrilsiemlien Buhril le Nk. Clearance Mawite in hnesaw takin an keihruoi a.
Hi huna hin Khuollien in Pu Benjamina, IDAS, Principal Comptroller of Defence Accounts chu hmang ani a, Rev. Kh. Thang Dailo chu Sikpui Pa a hmang ani bawk. Khuollien Pu Benjamina hin a thurhilnaah tulai ṭhangthar inchuklaihai hin ei lekha inchuk dan ei thlakdanglam a hun tah. BA/MA degree ringawt hi tulai global market ah demand a um ta nawh a, vocational line a, knowledge le skill khawvel in a mamaw ang pe thei dinga ei inbuotsai a ngai an tah tiin a hril.
Chun, Sikpui Pa Rev. Kh Thang Dailo khawmin inchukna/education pawimaw zie, ei hnam sunga khawm abikin N.C. Hills le Karbi Anglong district tienga eini mi thiemna nei lo zu thlangtla hmasahai in nasatakin ei hnam ta dingin an lo thawhlawk zie hai le, education mawl hi a nih ei hnam hmasawnna ding chu a nih tiin ‘En Tum Mihrang Pasalṭhahai’ ti hlathu hmangin ṭhangthar hai infuina le chona a siem.
Hi zo hin Pu Johny L. F. Tusing in Sikpui Ruoi chanchin, a history le a significance hai, ei hnam ta dinga a pawimaw zie, ei sakhuona le khawm an kal naw zie chipchier takin a hril bawk. Hi baka hin HSA Pune Branch haiin Sikpui Lam le hnam lam chi dang dang an inentir bakah, hlasakthiem tak tak hieng – Nk. Elizabeth Sungte, Nk Gloria Songate, Nk. Clearance Mawite, Tv. Joshua Buhril, Sikpui Band, Tv. JC Lallawmsang, Tv. Joseph Changsan, Pu James Darlong, Pu Ralthangmawia Darlong, Pu Nelson Khawbung (L. Rimawi) le Pu Jerry L Amaw hai a inthawk hnam hla le sai hla mawi tak tak ngaithlak a nih. Hi zo hin Sikpui Ruoi sukbukimtu, Bawngsa le Vawksa Chartang inhnik tawk tak kil tlang a nih a, ditkhawp lo takin Pune Hmar Sikpui Ruoi hmasatak chu a lo ṭumṭiek tah a nih.
Hi huna hin Khuollien in Pu Benjamina, IDAS, Principal Comptroller of Defence Accounts chu hmang ani a, Rev. Kh. Thang Dailo chu Sikpui Pa a hmang ani bawk. Khuollien Pu Benjamina hin a thurhilnaah tulai ṭhangthar inchuklaihai hin ei lekha inchuk dan ei thlakdanglam a hun tah. BA/MA degree ringawt hi tulai global market ah demand a um ta nawh a, vocational line a, knowledge le skill khawvel in a mamaw ang pe thei dinga ei inbuotsai a ngai an tah tiin a hril.
Chun, Sikpui Pa Rev. Kh Thang Dailo khawmin inchukna/education pawimaw zie, ei hnam sunga khawm abikin N.C. Hills le Karbi Anglong district tienga eini mi thiemna nei lo zu thlangtla hmasahai in nasatakin ei hnam ta dingin an lo thawhlawk zie hai le, education mawl hi a nih ei hnam hmasawnna ding chu a nih tiin ‘En Tum Mihrang Pasalṭhahai’ ti hlathu hmangin ṭhangthar hai infuina le chona a siem.
Hi zo hin Pu Johny L. F. Tusing in Sikpui Ruoi chanchin, a history le a significance hai, ei hnam ta dinga a pawimaw zie, ei sakhuona le khawm an kal naw zie chipchier takin a hril bawk. Hi baka hin HSA Pune Branch haiin Sikpui Lam le hnam lam chi dang dang an inentir bakah, hlasakthiem tak tak hieng – Nk. Elizabeth Sungte, Nk Gloria Songate, Nk. Clearance Mawite, Tv. Joshua Buhril, Sikpui Band, Tv. JC Lallawmsang, Tv. Joseph Changsan, Pu James Darlong, Pu Ralthangmawia Darlong, Pu Nelson Khawbung (L. Rimawi) le Pu Jerry L Amaw hai a inthawk hnam hla le sai hla mawi tak tak ngaithlak a nih. Hi zo hin Sikpui Ruoi sukbukimtu, Bawngsa le Vawksa Chartang inhnik tawk tak kil tlang a nih a, ditkhawp lo takin Pune Hmar Sikpui Ruoi hmasatak chu a lo ṭumṭiek tah a nih.
