Responsive Ad Slot

Hmar puon thar hlawk, Lalngo Puon

Friday, November 16, 2018

/ Posted by Simon L Infimate
- LRS Puruolte

Inchei, hmel le piengzie hai suk mawi zuoltu ding le Hmar hnam chawisangna ding Hmar puon thar hlawk, Lalngo Puon hi Oct. 10, 2018 a kha Pi Lalṭanpui Neitham of Hmarkhawlien, Assam in a hung design (phuok) suok ngat ani a, a khawng suoktu hmasatak chu Nk. Khawpuimawi Hrangchal of Hmarkhawlien, Assam a nih.


Hi Lalngo Puon hi Hmar Women Association (HWA), General Headquarters in a hrietpui le Nov. 15, 2018 a Pi JL Sawmi an President, HWA-GHQ in a tlangzar tah a nih.

A zie hi Puonlaisen, Hmarpuon, Thangsuopuon le Ngoteker zie haia inthawk lak suok a nih. A Size ieng ang ang khawm nisienla a man chu ₹ 2,500/- (India Tangka Cheng Sanghni Zanga Chauh) la ni hri phawt a tih.


Hmar puon thar hlawk, Lalngo Puon hi a hmang dan ding thu a chun hnam puon ṭhenkhat anga khuokir le bithliek a um naw a, hnam chawisangna dinga thiem taka incheinaa hmang ding a nih. Puon bi, sil, awr, zakuo, kekawr, necktie, lukhum, mansa a dang danga ṭhui thei khawm ani ding a nih.

A dita inchaw nuom hai chun hi hai hi contact a order thei ning a tih: Pi Puii Khawbung 8837212394/Pi Lalṭanpui Neitham 8402946831.

Hriet ding: Patent Rights khawm buoipui la ning a tih.
Don't Miss
© all rights reserved
made with by Simon L Infimate