Responsive Ad Slot

The 1st Pherzawl District Level Sikpui Ruoi -cum- Sinlung Hills Council (SHC) Lawmna dinga mi pawimaw le chanvo sukfel

Friday, November 16, 2018

/ Posted by Simon L Infimate
Pherzawl/Tuiṭhaphai, Nov. 16, 2018. Virthli (ONP): The 1st Pherzawl District Level Sikpui Ruoi -cum- Sinlung Hills Council (SHC) Lawmna chu "Lawm ei tiu" ti thupuia neiin hungtlung ding 4th - 5th, December 2018 hin District Headquarters, Pherzawl hmun ah huoihawt ning a tih. Hi le inzawma inbuotsaina chu ngawr takin a fe mek a. Hi hun a mi pawimaw ding hai le chanvo changtu ding hai khawm sukfel vawng ani tah.

4th December 2018, Urlawk Zan Chief Guest Pu L. Sanga Hmar JMG, UPF & Defence Secretary, HPC (D) ning a ta, Guests of Honour in Pu Calvin H. Convenor, Political Dialogue, UPF & KNO le Pu TS Haokip Co-Convenor, Political Dialogue, UPF & KNO & Defence Secretary, KNO hai pahni ning an ta, Functional President in
Pu Vanlalhlun Hrangchal DGM, Manipur State Power Distribution Company Ltd., Pherzawl District, Manipur ni bawk a tih.


5th December 2018, a Nipui Ni tak sun hun ah Sikpui Pa in Prof. Vanlalnghak ṭhang a ta, Chief Guest in Pu V. Hangkhanlian Hon’ble Minister (Agri.,Vety. & AH),
Manipur; Guest of Honour in Dr. Chaltonlien Amo MLA - 55/Tipaimukh AC (ST) & President, HNU, GHQ; Functional President in Pi Mannuamching IAS Deputy Commissioner, Pherzawl, Manipur; Chief Host in Pu Joseph Lalrothang President, Hmar Inpui (Hmar Supreme House), GHQ; Special Guests in MDCs, ADCC; Additional Deputy Commissioner, Pherzawl, Manipur; CO, 33 Assam Rifles, Aina; SP, Pherzawl, Manipur le Special Invitees in Pu Ngursanglur Sanate, Ex- Minister, All DLOs, Pherzawl le hnam le pawl tum tum a ṭhuoitu hai ning an tih.

Sinlung Hills Council (SHC) Lawmna 5th December 2018 Zan hun ah um a ta, Chief Guest in Upa Lalṭhalien CEM, Sinlung Hills Council, Mizoram; Guest of Honour in Pu LT Hmar Chairman, Sinlung Hills Council, Mizoram; Functional President in Pu Lalbiaknunga Deputy Chairman, Sinlung Hills Council, Mizoram le Special Guests in All EMs & Members, Sinlung Hills Council, Mizoram hai ni bawk an tih.

Programme induong dan chun mi hran hran a'nthawk thuhril ngaithlakna um hlak a ta, Pherzawl District sunga Cultural Troupe haia inthawk lam inentirna umin pi-le-pu hai hun laia inthawka hnam thuom hai pholangna (Traditional Show), Special Item, Sikpui Lam, Sikpui Ruoi umzie le a chanchin hrilna le Souvenir tlangzarna bakah Sikpui Rûn kan/visit-na hun um a ta, a Nipui Ni takin Sikpui Ruoi le inzawmin Ruoi buotsaia umin mipui fak ding ruoiṭhe ning a ta, sakhuona le inkal loa programme hai a hlimum thei dan ding ang taka induong a nih. Hla Ruoi hai khawm a tam thei ang ṭhe ani ding a nih. Local Artistes, Pherzawl District Choir, Hossanmawi Songate, Christina Shakum, Lalengvari Sinate, Gladys Lalparzo Sanate, Jajai Singsit, Artistes from Mizoram, Sinlung Express (Live Band) le a dang dang haiin mipui rimawi le hla'n in-awi hlak bawk an tih.

5th December 2018 Sun hun chu dar 10:30 AM a inthawk ṭan ning a ta, Arrival of the Chief Guest, VVIPs & VIPs - 11:00 AM niin 4th le 5th December, 2018 Zan programme hai chu dar 5:30 PM a ṭanin Arrival of the Chief Guest, VVIPs & VIPs - 6:00 PM ni hlak a tih.

Hi huna ṭhang ding hin mitin inhnikna nei taphawt Organizing Committee chun a fiel a, Publicity Department khawmin mikhuol hai chun mani lumna tawk puonthuo chawi a ngai ding thu le a hranpa taka mipui transportation ngaituo thei ani naw ding thu hrilin mani kalman in tum a ngai ding thu an hril bawk.
Don't Miss
© all rights reserved
made with by Simon L Infimate