Responsive Ad Slot

Gospel Camp Parbung khuo ah hmang, a sâwngthumna hmang mêk a nih

Monday, September 3, 2018

/ Posted by Simon Infimate
Parbung, September 03, 2018, Virthli (ONP):  Liemtah 22 August, 2018 a’nthawk khan Parbung khuo ah Kohran pawl bîk um lovin Gospel Camp buotsaia um chu vawisûnni chen hin a sâwngthumna chu hmang mêk a nih. Hi Camp hi Upa Evan John (ICI Muolvaiphei) le a team member mi 10 ha’n rawngbâwlna an nei. Camp a vawikhatna 22 Aug –  25 Aug, a vawihnina 27 Aug – 1st Sept le a vawithumna tuta hmang lai mêk 2nd Sept zân hun anthawkin 5 Sept,2018 chen aw dinga riruong ani a, tuta fe mek a hin campers 455 nêka tam an tling phâk hiel a nih.


Hieng ang Parbung khawsunga Kohran pawl ti bîk um loa Gospel Camp buotsaia um hi, abîkin, Parbung Kohran Inzawmkhâwm, VA, Parbung Kristien Țhalai Pâwl Inzawmkhâwm le khawtlâng a mimirin ân lâwm êm êm a. Camp a sâwngthumna buotsaina ding lem hin chu Campers hai le mipuiin liemtah Pathienni chawhnung khan khawlaidung fangin Pathien chawimawi le inpâk peiin, thawlâwm dâwlna ân nei a nih. Liemtah Inringni zân hun le Pathienni sûn le zân hun a hai khawm khan Gospel Crusade RPCNEI Parbung Biekinah hmang anih a. Camp hun sûng le Crusade sûnga Thu le hla a rawngbawltu chu Upa Evan John le Nk. Lalrovel, Guwahati hai an nih. Hiengang khawtlâng huopa Gospel Camp hmang theia um hi Kohran tin le mimal tam tak ha’n ân lawmna suklangna dingin thilpêk, tha le țawngțaina’n ân țhangpui peia. HPC (D) Manipur Region khawmin a lawmna suklangna’n pawisa sumfai in a hung țhangpui ve hiel a nih.
Don't Miss
© all rights reserved
made with by Simon L Infimate