Responsive Ad Slot

PASAL IENG ZAT AM I NEI?

Sunday, August 5, 2018

/ Posted by Simon Infimate
~ Jami Darngawn

✍ Johan 4:
16. Chun Isun a kuomah, “Fe la, i pasal va ko la, hitaka hin hung nawk rawh,” a ta.
17. Chun nuhmei chun a kuomah, “Pasal ka nei nawh,” a ta, a dawn a. Isun a kuomah, “Pasal ka nei nawh, i ti hi i ti indik;
18. Pasal panga i nei tah, tuta mi i nei hi i pasal a ni naw hrim a nih; hi thu hi i ti indik ie,” a ta.

Awleh, Lal lsu le Samari nuhmei inbiekna hi tuta Bible chang/thu ei hung suklang hi ahma tieng le atawp tieng ei tiem chun a thu um dan ei hriet chieng hle a nih.

Samari nuhmei hi an hril dan chun tulai țawng takin "miler, party mi" ei ti hai ang hi a ni hmel, asanchu zing le zana tui chawi hlak kha ana, amiruokchu a ma nu hin mi um naw lai mi re hun lai takin tui chawi dingin a fe a nih; an ti a nih.


Chuongchun Lal lsu leh sûnchang laitak chun tuikhura an inhmu ta hlau el a, chutaka chun Lal lsun a nina po po a hriet chieng lei chun "Pasal panga i nei tah" a ti a nih. Samari nuhmei khan a nina po po a hrietsuok lei khan mak a ti hlea (a tawizawngin hril inla) chuongchun Lal lsu chu Lal le Sandamtu'n a pawm tah a, chuongchun mi tamtakin Samari nuhmei lei khan Lal lsu an hrietpha tah a nih. Ava ropui de !

Awle, nang le kei khawm "pasal iengzam i nei ?" Hang ti ding ni inla "ka nei nawh" ti annaw khawma "pakhat chauh ka nei" ei ti el thei a nih.

Ani ngei nuhmeiin pasal ei nei ta chun ei pasal hai in ah ei va uma, an nina po po ei van țawmpuia an thu thun ei um ang khan, nang le kei khawm hin taksa pasal ni lem lovin,  harsatna le beidawngna hai hi pasal ang el in ei nei thei a nih.

Ei harsatna le ei beidawngna hai hi Lalpa lsu'n vawisun hin "ka kuomah hung intlun rawh/hung țhuoi rawh" a ti a nih. Chuonga ei harsatna le beidawngna hai pasal ang ela ei lo nei tahai hi ațhen chun panga dam ning a ta, a țhen sawm dam ning a tih, iengzat khawm lo nisien Lal lsu kuoma eiin tlun chun A man a mi relfel/siemțha pek thei zing a nih.

Samarinu anga misuol le mi ți sim khawm ei ni thei, annaw leh chu neka nasa lema suol khawm ei ni thei ie. Sienkhawm,  iengtik lai khawmin Lal lsu'n ei suol hai a ma kuoma ei intluna ngaidam ei inhni chun a mi ngaidam ding a nih.

Chuongchun ei harsatna le ei beidawngna hai a'nthawk chun Lal lsu bel fan fan ei ta, chuongchun Lalpân mal mi sawm ngei a ta, nang le kei fethlengin mi tamtakin Lal lsu Pathien hmel an hung hmupha thei a nih.

LALPÂN A THU MALSAWM RAW SEH.
Don't Miss
© all rights reserved
made with by Simon L Infimate