Aizawl, 10 July, 2018, Virthli (ONP): April ni 2, 2018 a Mizoram sawrkar le Hmar People's Convention - Democratic (HPC -D) hai inremna dungzuia indin Sinlung Hills Council (SHC) sawrkar lailawk (interim council) chu hung tlung ding July ni 13 (Zirtawpni) hin Aizawl ah laklut a ni ding thu, sawrkar thuneituhai chun an hril.
Laklut rawngbawlna (swearing-in ceremony) hi Aizawl Deputy Commissioner office ah chawhma dar 10 ah nei ning a ta, Aizawl DC Dr. A. Mathumma in sesamna (oath taking) in nei tirin council member tharhai hi la lut a tih.
Thawtanni khan Mizoram sawrkar chun notification insuoin thlaruk sunga dingin Sinlung Hills interim council indin a ni thu a puonga, council member dingin mi 12 lai a ruota, hi taka hin HPC(D) mi le sa chu 3 niin civilian mi 9 lai an um. Hi baka hin member dang 2 chu sawrkarin an ni tieng anthawk a la ruotbel ding a nih.
Inbiekna a HPC(D) spokersperson Pu Lalthalien, Imphal, Manipur chu Chief Executive Member (CEM) dinga ruot a ni a, HPC (D) working chairman lo ni hlak Pu Lalthanglien @ LT Hmar, Zohmun (Tuta Rengkaia khawsa mek) chu council chairman ning ata, Deputy Army Chief hlui Pu Lalbieknung, Saiphai (Muolvaphei a khawsa mek) chu deputy chairman dinga ruot a nih.
Anni hai bak a hin Executive Member (EM) mi 4 le member pangngai mi 5 ruot an nih a, chuonghai chu;
EXECUTIVE MEMBERS
1. Pu Lalthlamuana Hmar, Bawngkawn, Aizawl (tuta Shillong a khawsa mek, inbiekna a palai)
2. Pu Darliensang Ralsun, Sakawrdai, (HPC(D) General Secretary hlui)
3. Pu JC Zairemkunga, Sakawrdai (Saikawt a khawsa mek, HPC (D) cadre)
4. Nk. Melody Lalchhuangzeli, Sakawrdai, (Pu H. Zosangbera naunu)
MEMBERS:
1. Pu Rohringa Hmar, Aizawl
2. Pu Lalrinsanga Ralte, Saipum
3. Pu Benjamin, NE Tlangnuam
4. Pu B. Lalthachhunga, Tinghmun
5. Pu Lalremruata Varte, Ramhlun South, Aizawl.
Kum 1994 a Mizoram sawrkar le HPC hai inremna ditkhawp naw leiin HPC (D) hin 1995/96 bawr vel khan silai chawiin ramhnuoi an lut nawka, Assam le Mizoram a hai Hmar hai ta dingin ram (ADC) an demand a, Assam, Mizoram le Manipur a hai command hran hran neia um an nih.
October, 2011 khan pawl 2 a inthein pawl 1 chu Pu Lalhmingthang Sanate'n keihruoiin President pawl an inti a, pawl dang lem chu Chairman Pawl inti in Pu H. Zosangbera keihruoina hnuoia um an nih.
Mizoram sawrkar le HPC(D) hin inremna zawngin kum 2010 lai anthawk khan an lo inbiek tana, amiruokchu kum 2013 khan Suspension of Operation (SoO) pawtsei chungthuah thu an inhmu naw leiin inbiekna chu a lo thlawl (deadlock) tah a nih.
Kum 3 a liem hnung August ni 10, 2016 khan Pu H. Zosangbera i keihruoi HPC le Mizoram sawrkar chun inbiekna nei tan nawkin official level ah vawi 5 le political levelah- 1 vel an inbiek hnungin April ni 2, 2018 khan inremna tluontling an lo ziek fel a. Amiruokchu sawrkarin ADC chu harsatna dang dang leiin a remchangnaw ding thu a hril leiin, ADC pe ta loin SHDC chu suk changtlunga, Council thar Sinlung Hills Council siema thuneina insang lem pek dingin inremna an lo ziekfel tah a nih.
April ni 13, 2018 khan HPC (D) cadre mi 102 le thuoitu mi 12, an rengin mi 114 chu Central Training Institute CTI, Sesawng ah Home Coming Ceremony nei tum khan an ralthuomhai leh sawrkar kutah an lo inpek tah a nih.
June ni 27 khan Mizoram state assembly chun Sinlung Hills Council Bill, 2018 chu lungruoltakin a lo passed ta bawk a nih.
SHC hi thlaruk sung interim in feng a ta, chun hnungah election nei ning a tih.
Laklut rawngbawlna (swearing-in ceremony) hi Aizawl Deputy Commissioner office ah chawhma dar 10 ah nei ning a ta, Aizawl DC Dr. A. Mathumma in sesamna (oath taking) in nei tirin council member tharhai hi la lut a tih.
Thawtanni khan Mizoram sawrkar chun notification insuoin thlaruk sunga dingin Sinlung Hills interim council indin a ni thu a puonga, council member dingin mi 12 lai a ruota, hi taka hin HPC(D) mi le sa chu 3 niin civilian mi 9 lai an um. Hi baka hin member dang 2 chu sawrkarin an ni tieng anthawk a la ruotbel ding a nih.
Inbiekna a HPC(D) spokersperson Pu Lalthalien, Imphal, Manipur chu Chief Executive Member (CEM) dinga ruot a ni a, HPC (D) working chairman lo ni hlak Pu Lalthanglien @ LT Hmar, Zohmun (Tuta Rengkaia khawsa mek) chu council chairman ning ata, Deputy Army Chief hlui Pu Lalbieknung, Saiphai (Muolvaphei a khawsa mek) chu deputy chairman dinga ruot a nih.
Anni hai bak a hin Executive Member (EM) mi 4 le member pangngai mi 5 ruot an nih a, chuonghai chu;
EXECUTIVE MEMBERS
1. Pu Lalthlamuana Hmar, Bawngkawn, Aizawl (tuta Shillong a khawsa mek, inbiekna a palai)
2. Pu Darliensang Ralsun, Sakawrdai, (HPC(D) General Secretary hlui)
3. Pu JC Zairemkunga, Sakawrdai (Saikawt a khawsa mek, HPC (D) cadre)
4. Nk. Melody Lalchhuangzeli, Sakawrdai, (Pu H. Zosangbera naunu)
MEMBERS:
1. Pu Rohringa Hmar, Aizawl
2. Pu Lalrinsanga Ralte, Saipum
3. Pu Benjamin, NE Tlangnuam
4. Pu B. Lalthachhunga, Tinghmun
5. Pu Lalremruata Varte, Ramhlun South, Aizawl.
Kum 1994 a Mizoram sawrkar le HPC hai inremna ditkhawp naw leiin HPC (D) hin 1995/96 bawr vel khan silai chawiin ramhnuoi an lut nawka, Assam le Mizoram a hai Hmar hai ta dingin ram (ADC) an demand a, Assam, Mizoram le Manipur a hai command hran hran neia um an nih.
October, 2011 khan pawl 2 a inthein pawl 1 chu Pu Lalhmingthang Sanate'n keihruoiin President pawl an inti a, pawl dang lem chu Chairman Pawl inti in Pu H. Zosangbera keihruoina hnuoia um an nih.
Mizoram sawrkar le HPC(D) hin inremna zawngin kum 2010 lai anthawk khan an lo inbiek tana, amiruokchu kum 2013 khan Suspension of Operation (SoO) pawtsei chungthuah thu an inhmu naw leiin inbiekna chu a lo thlawl (deadlock) tah a nih.
Kum 3 a liem hnung August ni 10, 2016 khan Pu H. Zosangbera i keihruoi HPC le Mizoram sawrkar chun inbiekna nei tan nawkin official level ah vawi 5 le political levelah- 1 vel an inbiek hnungin April ni 2, 2018 khan inremna tluontling an lo ziek fel a. Amiruokchu sawrkarin ADC chu harsatna dang dang leiin a remchangnaw ding thu a hril leiin, ADC pe ta loin SHDC chu suk changtlunga, Council thar Sinlung Hills Council siema thuneina insang lem pek dingin inremna an lo ziekfel tah a nih.
April ni 13, 2018 khan HPC (D) cadre mi 102 le thuoitu mi 12, an rengin mi 114 chu Central Training Institute CTI, Sesawng ah Home Coming Ceremony nei tum khan an ralthuomhai leh sawrkar kutah an lo inpek tah a nih.
June ni 27 khan Mizoram state assembly chun Sinlung Hills Council Bill, 2018 chu lungruoltakin a lo passed ta bawk a nih.
SHC hi thlaruk sung interim in feng a ta, chun hnungah election nei ning a tih.
