CCPur, June 3, 2018 | Virthli (ONP): March 23, 2018 nia The 3th Rengkai Premier League (Football) Final le 80th Rengkai Day Celebration, Rengkai Playground, CCPur a Chief Guest Pu V. Hangkhanlian, Minister Agri., Vety & AH, Manipur a nuhmei Pi (Dr.) Kimboi in mipui hmaa a lo puong le intiem tah angin Rengkai Bazar (Vengpui) a inthawka Shillong Hills-Muolhlum-Bridge Street (Rengkai-Sugnu Road) paw ding lampui Blacktopping a siemna ding chu sin thaw ṭan mek a nih. Rengkai khuo hi CCPur khawpui (town) sunga um nisiin kawng tum tum haiah ngaitha a lo ni rawp tah hlak leiin tuta bieltu MLA hmalakna hin mipui a suk lawm hle a nih. Chun, Rengkai khuo hrawtlang CCPur-Sugnu Road 26 Kms Blacktopping siemna khawm a femek a Rengkai mipui chun an lawm hle bawk. Rengkai khawsunga development a um theina dingin tuta an bieltu MLA le MDC Pu M. Gouzamang Guite hai chun kawng tum tum haia hmalak an inpei thu an lo puong tah a nih.
File Photo 02/06/2018
File Photo 02/06/2018
