-Jami Darngawn
Columnist, Virthli (ONP)
✍
Awleh, ka naupanglai ti inla naupang sunday sikul a kan hotunu nunghak feltak chun hieng hin a mi hril tawl a, "Kumpinu'n a naupa nuhmei ding mo a zawnga chutaka chun nunghak hmelțha em em le piengnal le hmangaina nei mi tak el a hmu fuk a, chu nungak chuh hmelțha'n nal hle sienkhawm lo thienghlim (virgin) ta naw sien chu kumpinu khan a mo dingin a dit naw ding an'a, amiruokchu chu nunghak hmelțha piengnal chu a lo virgin leiin kumpinu chun a naupa nuhmei ding chun a lo thlang tah a nih.
Chuong ani lei chun nangni hai khawm in hung nunghak ve pha chun in hriet/vawng zing ding chu in thienghlimna kha in vawngțhat ani chun Pathien malsawmna in dawng ding a nih" tiin keini ruolcham chu a mi'n fui hlak a nih.
Kei khawmin ka lungril ah kan hotunu thu mi'n cha chu ka vawng zing a, Lalpa zar chauvin ka thienghlimna chu ka pasal kuomah ka'n hlan thei ve a nih.
Chuongchun kum hai a hung fe peia kan hotunu khawm chu Bible inchûk dingin ram dang ah a um ta zing a, vawikhat chu chawl hmangin a hung suok a, kan kuoma chun hieng hin a hril nawk a, "Bawihai, vawikhata kumpinu'n a naupa nuhmei ding a zawng thu ka hril cheu kha khawvela Kristien dana inneina a chun a ropui taka hril a ni nghe nghe a, amiruokchu tuhin an nupa kar a sie met met'a a pawi khawp el a nih, a thei chun in țawngțaina ah lo hrie hlak ro aw? Asanchu, Kristienhai inneina hi ringnawtuha'n hmu teplo pal an tih" tiin a mi'n cha mawl mawl nawk a. Chuongchun, ka theitawp chun ka țawngțaina ah ka lo hriet ve bawk hlak a, anni hai hlak chun hi khawvela ka um le umnaw khawm mi hrie der lo ding nisienkhawm, Kristien nina zara kei daikil kara um nu hin a mi'n a sakhming an hril tawp theilo Lady Diana hai nupa ințhenawna ding chun Lalpa kuomah ka lo țawngțai/hni ve hlak a ni chuh !
Ka ngaisang, ka ngainat, hmelțha ka ti le a nungchang hawiher mawi ka ti zawng tak le ka lunginsiet phak ninaw sienkhawm a chansiet (a pasalin a uiret san) leia ka lunginsiet em em Lady Diana chu a taka a hmel hmu phak naw langkhawm a thlalak le a chanchin lekhabu a siema um chu tuchen khawm hin ka la sie țha zinga a chang po leh ka la en hlak, nuhmei tam tak hriet phak lo lungril sawlna thuruk mani pawmlai ei hmangai ha'n hmangai dang an mi nei san ding chu tuta ding khawmin tuor thiem um a ti'm?!
Hi thu ka hung suklang/zieklang nasan hi May 19, 2018 nia Lady Diana a naupa a naupang lem Prince Harry chun ropui taka nuhmei a neina video ka en lai chun ka lungril ruk tak chun ka lawmpui ruol ruolin 'a nu la dam sien aw' tiin ka lungril a na hle el a, chuongchun ka naupang laia Diana ka lo ngainat, ngaisangna kha a lo la pangngai zing leiin ka lungrila sipliem ka hung phawr suok ta nghe nghe a nih.
Ip set set lo chun hi lal sungkuo hai hin hmangaina an lakrun dan hin entirna tam tak an nei tir ve niin ka hriet a, kawng dang danga lak thei dingin a um a nih. An hmangai zawng hai chu ieng ang mi khawm lo nisienla, anni nekin kum tam lem khawm lo nisien, an dit a an hmangai chun an nei tawp tawp chu ni hi tie. Tuta mothar mek Harry nuhmei khawm hi a nina, a hmel, a kum zawnga chu a sungha'n an ditpui chu ring a um bek nawh. Sienkhawm ama'n a ditin a hmangai tlat leiin a nei el chu ni ding an'a, iengkhawm nisien hmangaina'n thil a thaw thei a nih, ti chu a chieng hle a nih.
Hieng hin hang tekhi ta inla Prince Harry nuhmei chu pasal dang lo nei tah, thlatu tieng khawm a nu midum hai, a hmel khawm chuonga țha bek bek nilo, a kum khawm a pasal neka tamlem nisienkhawm a pasal ding chun a ditin a hmangai tlat lei chun khawvela mi ropui lal sungkuo laia chun a țhang thei ve tah a nih.
Chuongang bawk chun nang le kei khawm mi'n thlatu suola insieng ei n'a, piengphunga khawm mi ang zolo, dai kilkara um, khawvel thil hai pasal anga lo nei tah, suol Setan nau lo ni inlakhawm Lal lsu'n a mi hmangai leiin a thisen man tam taka a mi'n tlan suok ei ni tak leiin Vân khuo le tui nina ei chang thei tah a nih. (Halleluiah a va ropui de aw! Lalpa chu inpakin um raw seh.)
Chuong ani lei chun mi hmangaitu Pathien ditdan anga ei um zing a ngai tak zet a nih. Lady Diana'n a thienghlimna a vawng țhat leia lal sungkuo monu a ni thei angin, nang le kei khawm hi khawvel suol laka ei inveng thienghlim zing a ngai tak zet a nih. Vân Berâmte mo/nuhmei huol ei ni leiin khawvel thil laka thienglim taka ei um chun nakie pha ropui takin moneitu leh ei la'n hmu/innei ding a nih.
Thupuon 21:
9. Chun vântirko pasari laia pakhat hremna nuhnungtak berbu pasari sipa chawi chu ka kuomah a hung a, “Hung ta, Mo, Berâmte nuhmei chu inentir ka ti che,” ti'n a mi biek a.
VÂN BERÂMTE MO DING EINI LEIIN LAWM DING HRIM EI NIH
Columnist, Virthli (ONP)
✍
Awleh, ka naupanglai ti inla naupang sunday sikul a kan hotunu nunghak feltak chun hieng hin a mi hril tawl a, "Kumpinu'n a naupa nuhmei ding mo a zawnga chutaka chun nunghak hmelțha em em le piengnal le hmangaina nei mi tak el a hmu fuk a, chu nungak chuh hmelțha'n nal hle sienkhawm lo thienghlim (virgin) ta naw sien chu kumpinu khan a mo dingin a dit naw ding an'a, amiruokchu chu nunghak hmelțha piengnal chu a lo virgin leiin kumpinu chun a naupa nuhmei ding chun a lo thlang tah a nih.
Chuong ani lei chun nangni hai khawm in hung nunghak ve pha chun in hriet/vawng zing ding chu in thienghlimna kha in vawngțhat ani chun Pathien malsawmna in dawng ding a nih" tiin keini ruolcham chu a mi'n fui hlak a nih.
Kei khawmin ka lungril ah kan hotunu thu mi'n cha chu ka vawng zing a, Lalpa zar chauvin ka thienghlimna chu ka pasal kuomah ka'n hlan thei ve a nih.
Chuongchun kum hai a hung fe peia kan hotunu khawm chu Bible inchûk dingin ram dang ah a um ta zing a, vawikhat chu chawl hmangin a hung suok a, kan kuoma chun hieng hin a hril nawk a, "Bawihai, vawikhata kumpinu'n a naupa nuhmei ding a zawng thu ka hril cheu kha khawvela Kristien dana inneina a chun a ropui taka hril a ni nghe nghe a, amiruokchu tuhin an nupa kar a sie met met'a a pawi khawp el a nih, a thei chun in țawngțaina ah lo hrie hlak ro aw? Asanchu, Kristienhai inneina hi ringnawtuha'n hmu teplo pal an tih" tiin a mi'n cha mawl mawl nawk a. Chuongchun, ka theitawp chun ka țawngțaina ah ka lo hriet ve bawk hlak a, anni hai hlak chun hi khawvela ka um le umnaw khawm mi hrie der lo ding nisienkhawm, Kristien nina zara kei daikil kara um nu hin a mi'n a sakhming an hril tawp theilo Lady Diana hai nupa ințhenawna ding chun Lalpa kuomah ka lo țawngțai/hni ve hlak a ni chuh !
Ka ngaisang, ka ngainat, hmelțha ka ti le a nungchang hawiher mawi ka ti zawng tak le ka lunginsiet phak ninaw sienkhawm a chansiet (a pasalin a uiret san) leia ka lunginsiet em em Lady Diana chu a taka a hmel hmu phak naw langkhawm a thlalak le a chanchin lekhabu a siema um chu tuchen khawm hin ka la sie țha zinga a chang po leh ka la en hlak, nuhmei tam tak hriet phak lo lungril sawlna thuruk mani pawmlai ei hmangai ha'n hmangai dang an mi nei san ding chu tuta ding khawmin tuor thiem um a ti'm?!
Hi thu ka hung suklang/zieklang nasan hi May 19, 2018 nia Lady Diana a naupa a naupang lem Prince Harry chun ropui taka nuhmei a neina video ka en lai chun ka lungril ruk tak chun ka lawmpui ruol ruolin 'a nu la dam sien aw' tiin ka lungril a na hle el a, chuongchun ka naupang laia Diana ka lo ngainat, ngaisangna kha a lo la pangngai zing leiin ka lungrila sipliem ka hung phawr suok ta nghe nghe a nih.
Ip set set lo chun hi lal sungkuo hai hin hmangaina an lakrun dan hin entirna tam tak an nei tir ve niin ka hriet a, kawng dang danga lak thei dingin a um a nih. An hmangai zawng hai chu ieng ang mi khawm lo nisienla, anni nekin kum tam lem khawm lo nisien, an dit a an hmangai chun an nei tawp tawp chu ni hi tie. Tuta mothar mek Harry nuhmei khawm hi a nina, a hmel, a kum zawnga chu a sungha'n an ditpui chu ring a um bek nawh. Sienkhawm ama'n a ditin a hmangai tlat leiin a nei el chu ni ding an'a, iengkhawm nisien hmangaina'n thil a thaw thei a nih, ti chu a chieng hle a nih.
Hieng hin hang tekhi ta inla Prince Harry nuhmei chu pasal dang lo nei tah, thlatu tieng khawm a nu midum hai, a hmel khawm chuonga țha bek bek nilo, a kum khawm a pasal neka tamlem nisienkhawm a pasal ding chun a ditin a hmangai tlat lei chun khawvela mi ropui lal sungkuo laia chun a țhang thei ve tah a nih.
Chuongang bawk chun nang le kei khawm mi'n thlatu suola insieng ei n'a, piengphunga khawm mi ang zolo, dai kilkara um, khawvel thil hai pasal anga lo nei tah, suol Setan nau lo ni inlakhawm Lal lsu'n a mi hmangai leiin a thisen man tam taka a mi'n tlan suok ei ni tak leiin Vân khuo le tui nina ei chang thei tah a nih. (Halleluiah a va ropui de aw! Lalpa chu inpakin um raw seh.)
Chuong ani lei chun mi hmangaitu Pathien ditdan anga ei um zing a ngai tak zet a nih. Lady Diana'n a thienghlimna a vawng țhat leia lal sungkuo monu a ni thei angin, nang le kei khawm hi khawvel suol laka ei inveng thienghlim zing a ngai tak zet a nih. Vân Berâmte mo/nuhmei huol ei ni leiin khawvel thil laka thienglim taka ei um chun nakie pha ropui takin moneitu leh ei la'n hmu/innei ding a nih.
Thupuon 21:
9. Chun vântirko pasari laia pakhat hremna nuhnungtak berbu pasari sipa chawi chu ka kuomah a hung a, “Hung ta, Mo, Berâmte nuhmei chu inentir ka ti che,” ti'n a mi biek a.
VÂN BERÂMTE MO DING EINI LEIIN LAWM DING HRIM EI NIH
