Azawl, June 27, 2018, Virthli (ONP): April ni 2, 2018 a Mizoram government le Hmar People's Convention (Democratic) haiin inremna thuthlung an ziek dungzuia Sinlung Hills Council indinna ding le a sinthaw dan ding Sinlung Hills Council Bill chu Nilaini khan state assembly chun lungruol takin a pawm.
SHC bill hi Chief Minister le house leader ni bawk Pu Lal Thanhawla ṭhangsa in ruling member le opposition member mi 14 haiin chipchier taka an hriltlang hnungin lungruol taka pass nia, siemthat ngai (patten errors)hai siemṭhat nghal a nih. Bill hi pass a ni ta leiin Governor in remtina (assent) a pek hnungah Act puitling hung ni tang a ta, act dungzuiin concern department le council member han rules hung siem tang an ta, chu hai chu SHC inṭhuoi dan ding le inrelbawlna ding a hung ni ta ding tina a nih.
Bill putluttu Home Minister Pu R. Lalzirliana chun inringzo tawnna hnuoiah inremna zieka, bill hai chen pullut theia um ta chu lawmum a ti thu hrilin, HPC (D) han ADC peithla a inremna tluontling a um theina dinga sawrkar anthawkpui thei ta chu lawmum a ti thu a hril.
Pu Zira chun HPC (D) demand area a khawtlang ṭhuoitu hai, tlawmngai pawl le Hmar mipui a tam lemin inremna an dit leia inbiekna chu a um thei niin a hrila, HPC (D) hai khawmin thuawi taka Mizoram police hai kut anthawka silai an lo lak hai hung pe luta, inringzo tawnna hnuoiah inremna ziek thei a ni chu lawmum a ti thu a hril bawk.
A hril peina ah Pu Zira chun, sawrkar khawmin MoS implement tumin thei tawp an suo ding thu a hrila, inremna zulzuiin interim council siem a ni ding thu le inthlangna (election) khawm buotsai vat tum a ni thu a hril bawk.
Interim council hi thlaruk sung nei ni phawt a ta, a ṭul dan izirin thla 3 dang extend thei a ni thu Pu Zira chun a hril bawk.
Interim council sung hin HPC (D) han an ngen angin Mizoram puotieng mi khawm council ṭhuoitua hmang thei a ni thu hrilin Pu Zira chun election nei huna chun Mizoram mi le sa chau council member an ni thei ta ding thu a hril.
Pu Zira chun SHC bill thiltum tak chu SHDC chu SHC tia thlaka, thuneina sang lem pek a ni thu a hrila, council chu a puitling ngei a beisei thu a hril bawk.
House leader Pu Lal Thanhawla chun kum 1994 a inremna ziek a ni ṭum khan a tira inthawkin inhlemna in bulṭan a ni leiin a tluong thei naw thu a hrila, tuta ṭum ruok hin chun HPC(D) hai khawmin ruolthuom ṭha tak tak an pek lut thu le, a tak takin inremna khawm a um thei a ring thu a hril baka, HPC (D) hai khawm inza an um hle thu a hril.
Session sunga thuhriltu opposition MNF MLA Er. Lalrinawma chun Act hi a tak taka sawrkarin a sukpuitling ngei a nuom thu hrilin, a taka ngeia sukpuitling a ni naw chun helna dang suok thei ngirhmunah a um zing thu a hril.
Ei thu dawngna in a hril danin Interim council siem ding chungchang hi Assembly a hrillang dinga ngai a ni lai zingin assembly house dan an naw leiin hrillang annawa, Ningani annaw le Zirtawpni khi Home department in order insuo in interim council ṭan thei a ni ta ding thu tarlang a nih.
SHC bill a thil langsar zuolhai
1. Sinlung Hills Council Act, 2018 ti ning a tih.
2. Council um a ta a hming dingin Sinlung Hills Council ti ning a tih.
3. SHC hi India constitution hnuoia in nghat ning a tih.
4. SHC hin general council le Executive council nei a tih.
5. General council hin member 14 nei a ta, hi taka 12 chu thlang ding(elect) ning an ta, a dang 2 chu sawrkar i ruot ding an nih.
6. Council a hin Chief Executive Member (CEM)-1, Chairman-1, Deputy Chairman-1, Executive Member (EM)4 le member 5 um an tih. EM hai hi CEM in ruot hlak a tih.
7. General council term hun sung hi kum 5 ning a tih.
8. Sawrkarin official gazette ah Sakawrdai annaw le council area a khuo/hmun pakhat tak chu council headquarter in ruot a tih.
9. Council hi a area sungah executive power neiin plan le scheme hai siem thei a ta, sawrkarah intlun hlak a tih.
10. Budgetary power neiin council budget siem hlak a ta, chu chu sawrkar i pawmpui ding ning a tih.
11. Danin a phal chin annaw le Village council kuomah subjects pek hai po ah tax khawn theina council area huom sung nei a tih.
12. Executive council a hin CEM le EM 4 um an tih.
13. Council area a hin constituency 12 um a tih.
14. Sawrkarin official gazette a insuoin council area (territorial limit) or delimitation siem a tih.
15. Kum 18 chung tieng Mizoram state sunga Village council electoral roll a chuong hai chu member ni thei an tih.
16. Council hin thla 4 dan peiah vawikhat bek session nei hlak a tih.
SHC bill hi Chief Minister le house leader ni bawk Pu Lal Thanhawla ṭhangsa in ruling member le opposition member mi 14 haiin chipchier taka an hriltlang hnungin lungruol taka pass nia, siemthat ngai (patten errors)hai siemṭhat nghal a nih. Bill hi pass a ni ta leiin Governor in remtina (assent) a pek hnungah Act puitling hung ni tang a ta, act dungzuiin concern department le council member han rules hung siem tang an ta, chu hai chu SHC inṭhuoi dan ding le inrelbawlna ding a hung ni ta ding tina a nih.
Bill putluttu Home Minister Pu R. Lalzirliana chun inringzo tawnna hnuoiah inremna zieka, bill hai chen pullut theia um ta chu lawmum a ti thu hrilin, HPC (D) han ADC peithla a inremna tluontling a um theina dinga sawrkar anthawkpui thei ta chu lawmum a ti thu a hril.
Pu Zira chun HPC (D) demand area a khawtlang ṭhuoitu hai, tlawmngai pawl le Hmar mipui a tam lemin inremna an dit leia inbiekna chu a um thei niin a hrila, HPC (D) hai khawmin thuawi taka Mizoram police hai kut anthawka silai an lo lak hai hung pe luta, inringzo tawnna hnuoiah inremna ziek thei a ni chu lawmum a ti thu a hril bawk.
A hril peina ah Pu Zira chun, sawrkar khawmin MoS implement tumin thei tawp an suo ding thu a hrila, inremna zulzuiin interim council siem a ni ding thu le inthlangna (election) khawm buotsai vat tum a ni thu a hril bawk.
Interim council hi thlaruk sung nei ni phawt a ta, a ṭul dan izirin thla 3 dang extend thei a ni thu Pu Zira chun a hril bawk.
Interim council sung hin HPC (D) han an ngen angin Mizoram puotieng mi khawm council ṭhuoitua hmang thei a ni thu hrilin Pu Zira chun election nei huna chun Mizoram mi le sa chau council member an ni thei ta ding thu a hril.
Pu Zira chun SHC bill thiltum tak chu SHDC chu SHC tia thlaka, thuneina sang lem pek a ni thu a hrila, council chu a puitling ngei a beisei thu a hril bawk.
House leader Pu Lal Thanhawla chun kum 1994 a inremna ziek a ni ṭum khan a tira inthawkin inhlemna in bulṭan a ni leiin a tluong thei naw thu a hrila, tuta ṭum ruok hin chun HPC(D) hai khawmin ruolthuom ṭha tak tak an pek lut thu le, a tak takin inremna khawm a um thei a ring thu a hril baka, HPC (D) hai khawm inza an um hle thu a hril.
Session sunga thuhriltu opposition MNF MLA Er. Lalrinawma chun Act hi a tak taka sawrkarin a sukpuitling ngei a nuom thu hrilin, a taka ngeia sukpuitling a ni naw chun helna dang suok thei ngirhmunah a um zing thu a hril.
Ei thu dawngna in a hril danin Interim council siem ding chungchang hi Assembly a hrillang dinga ngai a ni lai zingin assembly house dan an naw leiin hrillang annawa, Ningani annaw le Zirtawpni khi Home department in order insuo in interim council ṭan thei a ni ta ding thu tarlang a nih.
SHC bill a thil langsar zuolhai
1. Sinlung Hills Council Act, 2018 ti ning a tih.
2. Council um a ta a hming dingin Sinlung Hills Council ti ning a tih.
3. SHC hi India constitution hnuoia in nghat ning a tih.
4. SHC hin general council le Executive council nei a tih.
5. General council hin member 14 nei a ta, hi taka 12 chu thlang ding(elect) ning an ta, a dang 2 chu sawrkar i ruot ding an nih.
6. Council a hin Chief Executive Member (CEM)-1, Chairman-1, Deputy Chairman-1, Executive Member (EM)4 le member 5 um an tih. EM hai hi CEM in ruot hlak a tih.
7. General council term hun sung hi kum 5 ning a tih.
8. Sawrkarin official gazette ah Sakawrdai annaw le council area a khuo/hmun pakhat tak chu council headquarter in ruot a tih.
9. Council hi a area sungah executive power neiin plan le scheme hai siem thei a ta, sawrkarah intlun hlak a tih.
10. Budgetary power neiin council budget siem hlak a ta, chu chu sawrkar i pawmpui ding ning a tih.
11. Danin a phal chin annaw le Village council kuomah subjects pek hai po ah tax khawn theina council area huom sung nei a tih.
12. Executive council a hin CEM le EM 4 um an tih.
13. Council area a hin constituency 12 um a tih.
14. Sawrkarin official gazette a insuoin council area (territorial limit) or delimitation siem a tih.
15. Kum 18 chung tieng Mizoram state sunga Village council electoral roll a chuong hai chu member ni thei an tih.
16. Council hin thla 4 dan peiah vawikhat bek session nei hlak a tih.
