CCPur, June 15, 2018, Virthli (ONP): June 15, 2019 sun khan HSA-JHQ CCPur a President le a ṭhuoitu chanpui hai chun Chura-Sugnu Road siem a um mek Contractor Pu S. Khamthang Special Contractor chu a chengna In, Salem Veng, CCPur ah inhmupuiin a ṭha thei ang taka siem dingin an ngen a, Pu Khamthang chun hi hun a hin tuta Blacktopping siem a um mek hi zofel hmak a la ni naw thu le hi zo/hi chunga hin siem a la ni nawk ding thu a hril niin Presiden Mr. Lalthanzau Hmar a inthawk thu ei dawng.
Chura-Sugnu Road 26 KMs siema um mek hi tulai hnai khan Rengkai Leilak (Rengkai Tuiṭhapui Bridge/Khuga Bridge ti khawm a hriet) ainthawk Tiddim Road-Rengkai Road Junction (Opp. CCPur Police Station) inkar chu Blacktopping a siem ṭanin a um a, zofe hmak la ninaw sienkhawm a ṭha tawk naw hle a ngaiin sawiselna a um zeu zeu a, kum tam tak blacktopping a siem tah lo, siem a um sun sun a khawm ṭha tawk lo le duthusam lo deu a siem niin mit a hmutu le hi lam hrawtu, a kawl le kienga cheng, mi tam tak ngaimaw niin an sawisel nasa hle a nih.
Hril a um tah hlak angin Implementing Agency chu PWD Manipur a ni a, M/S HVS Construction Materials Pvt. Ltd., Special Class Contractor Patsoi Lamkhai, N.C. Road Imphal hnuoia contractor ha'n lampui hi an siem a nih. Chura-Sugnu Road siemna ding hi April 12, 2017 a kha Pu Ginsuanhau Zou Chairman, MANIREDA le MLA Singngat A/C in Police Station (zero point) laia a lo vailiem/ hawng, a zing April 13, 2017 a inthawk lung vur a lampui siemna hi ṭan a ni a, lung vur le pil sung a ni hnungah tulai hnai ela kha Rengkai leilak a inthawk CCPur khawpui sung tieng pana blacktopping sin hi ṭan hmasa phawt a nih.
Chura-Sugnu Road 26 KMs siema um mek hi tulai hnai khan Rengkai Leilak (Rengkai Tuiṭhapui Bridge/Khuga Bridge ti khawm a hriet) ainthawk Tiddim Road-Rengkai Road Junction (Opp. CCPur Police Station) inkar chu Blacktopping a siem ṭanin a um a, zofe hmak la ninaw sienkhawm a ṭha tawk naw hle a ngaiin sawiselna a um zeu zeu a, kum tam tak blacktopping a siem tah lo, siem a um sun sun a khawm ṭha tawk lo le duthusam lo deu a siem niin mit a hmutu le hi lam hrawtu, a kawl le kienga cheng, mi tam tak ngaimaw niin an sawisel nasa hle a nih.
