CCPur, June 15, 2018, Virthli (ONP): SDO, Parbung Camp Office, Apollo Veng, CCPur a um chu zantieng dar 5:30 PM vel khan a hung inṭanna le a san hriet um loin meiin a kang. SDO le a staff, a veng mipui, HYA Lamka Branch, HYA le HSA Joint Headquarters CCPur ha'n an hriet le inruola hma la nghalin mei hi an ṭhel mit a nih. Office hmangruo pawimaw taluo chu a kang siet a um naw a, Computer CPU le lekha ṭhanaw a hmangna ding um talo hai a kangsiet ti bak chu thil pawi taluo a kang siet naw niin chanchin ei dawng.
