Responsive Ad Slot

HPC (D), Anti-Drugs Cell in inruithei chi tum tum supply-tu le mi 3 an man

Friday, June 15, 2018

/ by Simon Infimate
CCPur, June 15, 2018 | Virthli (ONP): June 15, 2018 sun dar 2 PM vel khan HPC(D), Anti-Drugs Cell chun report an dawng bawzuiin inruithei chi tum tum WY mum 28, SP mum 13, Heroin (No. 4) Funte/Package- 40, SIM Card 7 bakah inruithei an zawr/supply-naa inthawka an hmusuok ni dinga ringhla India pawisa sumfai 4,600 vel le mi 3 an man. Chuong hai chu Lalngaizuol (23) s/o (L) Vanlalhruoi @Hruoia of Shillong Hills, Rengkai; Eric P. Guite (23) s/o T. TK Thanga of College Veng, CCPur le Nianglianching (32) d/o Hangzaham of Simveng, CCPur hai an nih. Inruithei man a um hai hi raw siet vawng a nih. Anni hin Life Cafe, Rengkai Road building bul hnai lai Car MN-02 B 6210 sung ah an supply a, HPC(D), Anti-Drugs Cell chun report an dawng le inruolin an bawzui nghal a an man a nih. Anni hai hi thaw nawk ta ngai lo dinga zilhauna le warning pek anni hnungin insuo nawk an nih.


HPC(D), Anti-Drugs Cell chun inruithei chi tum tum an Operational Area sunga hrat taka an dona le inzawm hin inruithei dona kawng ah Police/Drugs Cell amani Sawrkar hmalakna ding chau anga ngai el lo a, mipui, khawtlang le hnam huop pawl tum tum um hai chu inruithei dona kawnga ṭhangtlang dingin an fiel a, an hma lakna lo thlawp dingin HPC(D), Anti-Drugs Cell chun fielna le ngenna siemin hrat le khau takin inruithei dona kawng ah hma an lak zawm pei ding thu an puong nawn nawk. An hmalakna lo thlawptu hai kuomah lawmthu hrilin man a um an phu tawk hremna an pek hai chu tukhawma mimal, hnam le khuo ang zawnga lak kawi thei ani naw ding thu, mihriem hmakhuo ding le ṭhat tlangna ding ngaituo a an hmalakna ani thu an hrilsa bawk.
Don't Miss
© all rights reserved
made with by Simon L Infimate