Responsive Ad Slot

ZIEKMI TIIN AN MI SEL MAW !

Sunday, May 6, 2018

/ Published by Simon L Infimate
~ Jami Darngawn

✍ Tulai ei tlangval han football an pet ding pha ditsakna thucha video ngeia hang hril vel ti kha ei uor hle el a, chuonganga ditsakna thucha video hmanga hril ve ding chun naupang/tlangval fel tak tak È›henkhat chun kei ve bawk khawm hi an mi fiel ve a, kei hlak chu ka thiem naw zawngtak ti el lang, chuongang video a thucha hang hril ti vel kha ka thei naw zawngtak ani leiin ka lo 'aw' pek thei tawl nawa chu ka lungril tak chun hratna chang ngei dingin ka ditsak em em tawl a nih.

Naupang/tlangval mi fieltu pakhat kuoma chun "iem a'ta kei kher i mi fiela aw, midang an tam an nawm" ka tia leh, chu pa chun hienghin a mi dawn a "Nangkhawm Pathien thu ziekmi ropui laia pakhat i ni ve lei a nih" a mi ti chuh !!!
Ka rei, kan phuzawka, ka nui anza ang reng bawk, mak ka ti bawk, phu naw kan ti hle bawk a nih.



Ka hang ngaituo chet chet chun ka thiem tam, ka thiem naw tam, kum 3/4 vel chu nitin deu thaw'n Pathien thu, Bible thu le ka testimony hai dam ka lo ziek ve na kawnga chun unau țhenkhat mi hriet dan ding chun awm vieu ah ka ngai ve thei tho tah a nih.

Chuongchun, kei Lalpa siehlaw hi unau țhenkhat mi hriet khawp thei dinga thu ziekmi ka hang ni el ding hi chu phu naw kan ti laizingin Lalpa Pathien malsawmna ka dawng ve niin kan hriet a, thiem le thiem lova A thu mi'n ziek tirtu ei Lalpa Pathien chu inpakin um raw seh.

Chuongang bawk chun nikhat laikhan unau mi pakhat chun "unaunu nang thu ziekmi i ni leiin tulai nuhmei pasal kawng ah thu hung ziek ta la?" A mi tia, nuhmei pasal thu/ chanchin ziek ding ti chu mak ka ti angreng khawpela a ma kuoma chun "awle Lalpa kuoma lo hning ka tih aw" ka ti pek tah a nih.

Lalpa'n a mi pek ti dim mani? Ka lungrilah ziek dingin a hung inlang vang vanga, tulai ei khawvel tawng mek hi a nuhmei a pasalin ei duoi bik tawl ta nawh ti hih !

Themna an sang pei ang bawkin suol sinthaw khawm an sang zuol pei ti theiin a uma, nunghak tlangval le nupui papui ei angkhat vawng ta ti thei a nih, mitin deu thaw'n mobile phone ei hang chawi fur tawl tah , naupang chenin, a țha tienga hmang țangkai tamtak ei um laiin, a țhen chun ei siet pui mek bawk a nih.

A bikin sex tieng hin hmun a chang lien ta em ema, Pathien-in nuhmei le pasal innei huna thienghlim taka hmang dinga a siem sex ngei hi tulai chu innei hmaa lo hmang lawk le, innei zo khawma mani kawppui hai theinghil raka mi dang le sex lo hmang ti hai hi hriet ding a tam hle a nih. (Ei Bible min chuktir dan le an kal hle)

Sodam le gomorra khawpui kha Pathien-in mei le kata sukbo a tum lai hun le tulai ei khawvel tawng mek le hin an thlau bek ring a um ta nawh. lnsuollui, kum tlinglo zalpui, mi nu le mipa indit, nunghak tlangval innei hmaa um kawp ti vel hi ei tam ta hle. Lota hai in sunga Vantirko fehai kha an khuo mi tlangval ha'n suollui/zalpui an lo tum kukha mak ei ti hle khawm ani thei ie, amiruokchu tulai ei khawvel tawng mek khawm hi danlo taka mi suollui hai le, mi dit lai ngawi ngawi sex hmangpuina lungril put zing hai leh an dang chuong naw ti thei a nih.

Chuong anileichun Pathien lungsenna ei chunga a tlung nawna dingin nang le kei hin țhang ei lak nasat a țul tak zet a nih.

Hurna hi tisa thilthaw Setan hmangruo pakhat ve a nih ti hrezingin Lalpa ei Pathien iengkim chunga thuneitu le mi hmangaitu kuoma chun tisa thilthaw Setan thlemna hai ei do zo theina dingin hni mawl mawl hlak ei tiu ?

Galati 5:
19. Chun tisa thilthawhai chu ân lang fel a nih, chuongchu hienghi an nih: uirêtna dâm, inditna dâm, inthiengnawna dâm, hurna dâm.

Thiem le thiem lova ei hung suklang chu tiem tuhai lungrila Lalpa'n athar takin mal mi sawm pek raw seh.
Don't Miss
© all rights reserved
made with by Simon L Infimate