Responsive Ad Slot

Tripura State Level Hmar Martyrs' Day inbuotsaina a fe mek

Sunday, May 6, 2018

/ Posted by Simon Infimate
Agartala/CCPur, May 5, 2018: Tripura State a Hmar hai inthlungkhawmna pawl lientak Tripura Hmar Welfare Association (THWA) chun tukum May 16 Hmar Martyrs' Day chu Bhil Para, Kachuchera, Dhalai District, Tripura ah State Level in ursun taka inser dingin an inbuotsai mek.

Hi ding leh inzawm hin May 5, 2018 sun khan THWA meeting nei a nih. Hi hun a an thurel hai lai Hmar Martyrs' Day May 16 a ni leiin, mikhuol le mipui fekhawm hai chu May 15 zan a lo riek lut ding, zan hni riek ding (ni 15 zan le ni 16 zan), Prog. hmang dan ding chu May 15 zan THWA meeting, May 16 zing Biekin a ṭawngṭai, Dar 10 AM in Hall prog., Sun hun Sports, 7 PM- Hall prog., Sound System a ṭhat thei ang tak haw ding, Ruoi ṭhe ni bawk ding le mitin ṭhang seng ding, Hlasak thiem hai lo inbuotsai ṭan tawl ta ding, Zu inrui phallo tawp ding, thu awilo an lo um pal chun a ṭul anga action lak ding ti hai a ṭhang.


Chief Guest dingin Pu RH Hminglien Hmar, Delhi/Diphu ning a ta, Guest of Honour dingin
Pu Kaprosang Joute (ONGC tienga ei officer) ning a tih.

Chun, hi hun a an banner ding khawm Nk. Juliana of Udaipur in a tum a, print zo vawng a ni tah thu ei dawng a, lawm a um tak zet.

Kan ram, kan rohlu.

"Lalpa Pathien a nei hnam an hamṭha." -Sam 33:12

- lrs_puruolte@hmartob
Don't Miss
© all rights reserved
made with by Simon L Infimate