CCPUR, April 7, 2018, Virthli (ONP): Hungtlung ding May 16 Hmar Martyrs' Day inserna ding le inzawmin May 7, 2018 sun dar 11:30 AM khan Hmar Inpui affiliated bodies le Sub-Committee HMARTOB hai LJ Memorial Hall, JJ Plaza, Rengkai Road, CCPur ah 16th Executive Meeting nei a nih. Joseph Lalrothang President, HI-GHQ in meeting hi a'nrawi a, hun hawng ṭawngṭaina Upa L. Thanzam in a nei zoin hun hmasa tieng ah Mizoram sawrkar le HPC(D) inremna chungthu report felfai tak Spokeperson, HPC(D) Delegates Upa Lalṭhalien a'nthawk le HPC(D) hmalak dan hai LT Hmar, Working Chairman, HPC(D) le Lalropui Famhoite Army Chief, HPC(D) haia inthawk ngaithlak a nih.
Hi hun a hin Kum 2018 Hmar Martyrs' Day inser huna Chief Guest ding Mizoram Home Minister Pu R. Lalzirliana a hungna ding le inzawma thil ṭul hai lo ngaituo a, mawphurtu ding bikin Upa Lalṭhalien Spokesperson, HPC(D) Delegates, Chairman/Secy., HMARTOB; President/Gen. Secy., Hmar Inpui, GHQ haiin inhriepaw a hma lo la dingin an rel a, Prog. Details, Physical Arrangement le a ṭul ang ang hai chu HMARTOB ha'n hma hung la zawm a, Hmar Inpui, GHQ le affiliated bodies haiin a ṭul le pawimaw ang peiin thlawp tlat dingin thutlukna an siem a nih.
Hi meeting lai hin Mizoram Home Minister Pu R. Lalzirliana chu inbiekpui a nih a, May 16 zan la riek a, Hmar Inpui, GHQ hnuoia affiliated bodies hai, HMARTOB Official le hnam ṭhuoitu ha'n lan pawlpui dinga an fielna chu a lo pawm pek. Ama hi Chief Guest dinga ti a nih. Chun, Chief Host, Guest of Honour le Functional President hai khawm um dinga ti a nih a, chu taka ding chun Pu Ginsuanhau Zou Chairman, MANIREDA, Govt. of Manipur & MLA, Singngat le Dr. Chalton lien Amo MLA, Tipaimukh hai khawm confirmed ni tah in huoihawttu hai chun an hril. Manipur state puotieng a'nthawk khawmin hi hun a ṭhang ding mi pawimaw tak tak iemanizat an um bawk dinga hril a nih.
Hi huna indawnna um SHC boundary chungthu a chun Spokesperson, HPC(D) Delegates Upa Lalṭhalien in a dawnna ah khawmihai nuomna (ditdan) lak a ni ding thu le Council (Sinlung Hill Council/SHC) in Boundary Commission a siem ding a ni thu hai a hril a. Chun, Mizoram-HPC(D) inremna le inringzo intuona dinga ralthuom peklut a lo um tah hai chungchang a chun Mizoram sawrkar a lungawi tawk hle a, ralthuom peklut a um hai khawm company made vawng, tuolsuok le siemfawm mei mei um lo a ni leiin Mizoram sawrkar chu a lungril a tawk hle niin inbiekna palai haia inthawk le Mizoram sawrkar tieng ṭawngbau ngei khawm hriet a lo ni tah bawk a nih.
HPC(D) Mizoram Region le Mizoram sawrkar ha'n inremna lo nei tah hai sienkhawm HPC(D) Assam le Manipur Region hmalakna chu a fe zing thu Lalropui Army Chief, HPC(D) chun a hril a, Mizoram sawrkar laka an ringumna an suklangnaa Home Coming Ceremony April 13, 2018 ni a CTI, Sesawng, Mizoram a ralthuom an peklut/intung hai chun mihai ngaiven khawm a hlaw hle a, an ralthuom iemanizat an lo peklut/intung tah khawm nisien an hmalakna kawng ah lungngai ding a um naw thu hrilin Pathien in a ṭul chun ralthuom chu mi pe pei a tih ring a um tiin a hril bawk.
Hunkhar ṭawngṭaina Upa Lalṭhalien in a nei zoin meeting zo a nih. Hi zo, zantieng dar 4:50 - 6:19 PM inkarin Hmar Martyrs' Trophy Organizing Board (HMARTOB) chun Saikot Playground, CCPur a Pavilion ah hi leh inzawm pei hin meeting an nei nawk nghal a, May 16 Hmar Martyrs' Day inserna ding le 15th Manipur State Level Hmar Martyrs' Trophy (football) Final huna thil ṭul ding le hmalak dan ding, chanvo le mawphurna pawimaw tak tak latu ding hai ngaituona neiin sukfel thei ang ang an sukfel zawm nghal. Kum dang popo nekin tukum a Hmar Martyrs' Day riva le inbuotsaina chu khawvel a Hmar hai lai a nasa zuol hle a hriet a nih. Manipur State Level a inserna ding khawm a kum telin a ropui a, Hmar Martyrs' Trophy football ngat lem chu inkhel a class a'n sang tah hle a, hnam dang dang hai hlutsak khawm a hlaw hle. ISL, I-League, International, National, State, tournament inlar tak taka player hai an inkhelna a hung ni tah a nih. Hmar Martyrs' Day ni hin Martyrs' Trophy football final khel hma'n Hmar Martyrs' hai inzana le hrietzingna item chi dang dang um a tih. Chun, hi le inzawm hin games & sports Air Rifle Shooting Competition le Badminton Tournament khawm huoihawt a nih.
Hi hun a hin Kum 2018 Hmar Martyrs' Day inser huna Chief Guest ding Mizoram Home Minister Pu R. Lalzirliana a hungna ding le inzawma thil ṭul hai lo ngaituo a, mawphurtu ding bikin Upa Lalṭhalien Spokesperson, HPC(D) Delegates, Chairman/Secy., HMARTOB; President/Gen. Secy., Hmar Inpui, GHQ haiin inhriepaw a hma lo la dingin an rel a, Prog. Details, Physical Arrangement le a ṭul ang ang hai chu HMARTOB ha'n hma hung la zawm a, Hmar Inpui, GHQ le affiliated bodies haiin a ṭul le pawimaw ang peiin thlawp tlat dingin thutlukna an siem a nih.
Hi meeting lai hin Mizoram Home Minister Pu R. Lalzirliana chu inbiekpui a nih a, May 16 zan la riek a, Hmar Inpui, GHQ hnuoia affiliated bodies hai, HMARTOB Official le hnam ṭhuoitu ha'n lan pawlpui dinga an fielna chu a lo pawm pek. Ama hi Chief Guest dinga ti a nih. Chun, Chief Host, Guest of Honour le Functional President hai khawm um dinga ti a nih a, chu taka ding chun Pu Ginsuanhau Zou Chairman, MANIREDA, Govt. of Manipur & MLA, Singngat le Dr. Chalton lien Amo MLA, Tipaimukh hai khawm confirmed ni tah in huoihawttu hai chun an hril. Manipur state puotieng a'nthawk khawmin hi hun a ṭhang ding mi pawimaw tak tak iemanizat an um bawk dinga hril a nih.
Hi huna indawnna um SHC boundary chungthu a chun Spokesperson, HPC(D) Delegates Upa Lalṭhalien in a dawnna ah khawmihai nuomna (ditdan) lak a ni ding thu le Council (Sinlung Hill Council/SHC) in Boundary Commission a siem ding a ni thu hai a hril a. Chun, Mizoram-HPC(D) inremna le inringzo intuona dinga ralthuom peklut a lo um tah hai chungchang a chun Mizoram sawrkar a lungawi tawk hle a, ralthuom peklut a um hai khawm company made vawng, tuolsuok le siemfawm mei mei um lo a ni leiin Mizoram sawrkar chu a lungril a tawk hle niin inbiekna palai haia inthawk le Mizoram sawrkar tieng ṭawngbau ngei khawm hriet a lo ni tah bawk a nih.
HPC(D) Mizoram Region le Mizoram sawrkar ha'n inremna lo nei tah hai sienkhawm HPC(D) Assam le Manipur Region hmalakna chu a fe zing thu Lalropui Army Chief, HPC(D) chun a hril a, Mizoram sawrkar laka an ringumna an suklangnaa Home Coming Ceremony April 13, 2018 ni a CTI, Sesawng, Mizoram a ralthuom an peklut/intung hai chun mihai ngaiven khawm a hlaw hle a, an ralthuom iemanizat an lo peklut/intung tah khawm nisien an hmalakna kawng ah lungngai ding a um naw thu hrilin Pathien in a ṭul chun ralthuom chu mi pe pei a tih ring a um tiin a hril bawk.
Hunkhar ṭawngṭaina Upa Lalṭhalien in a nei zoin meeting zo a nih. Hi zo, zantieng dar 4:50 - 6:19 PM inkarin Hmar Martyrs' Trophy Organizing Board (HMARTOB) chun Saikot Playground, CCPur a Pavilion ah hi leh inzawm pei hin meeting an nei nawk nghal a, May 16 Hmar Martyrs' Day inserna ding le 15th Manipur State Level Hmar Martyrs' Trophy (football) Final huna thil ṭul ding le hmalak dan ding, chanvo le mawphurna pawimaw tak tak latu ding hai ngaituona neiin sukfel thei ang ang an sukfel zawm nghal. Kum dang popo nekin tukum a Hmar Martyrs' Day riva le inbuotsaina chu khawvel a Hmar hai lai a nasa zuol hle a hriet a nih. Manipur State Level a inserna ding khawm a kum telin a ropui a, Hmar Martyrs' Trophy football ngat lem chu inkhel a class a'n sang tah hle a, hnam dang dang hai hlutsak khawm a hlaw hle. ISL, I-League, International, National, State, tournament inlar tak taka player hai an inkhelna a hung ni tah a nih. Hmar Martyrs' Day ni hin Martyrs' Trophy football final khel hma'n Hmar Martyrs' hai inzana le hrietzingna item chi dang dang um a tih. Chun, hi le inzawm hin games & sports Air Rifle Shooting Competition le Badminton Tournament khawm huoihawt a nih.
