Responsive Ad Slot

Common Service Centre thar Lientlangpui Computer inhlan le hawng

Saturday, May 26, 2018

/ Published by VIRTHLI
CCPur, May 26, 2018, Virthli (ONP): CCPur khawpui sunga um Rengkai khuo Vengpui a Lientlangpui Computer chu Digital India hnuoiah Digital Seva pengpui Common Service Center (CSC) thar ni tah-in May 26, 2018 zing dar 6 AM khan Pathien kuoma inhlanna le hawngna hunser hmang a nih.

Hi center hawngna hun a hin Shri Michael Hoakip le Shri Peter G. Bieklien, District Managers, District e-Governance Society, Churachandpur haiin hawngna an nei a, Rev. John Vanlalsan, D/S WMCEI, in Pathien kuoma inhlanna a nei a nih.


Hawngna hunser hmangna huna hin a enkawltu Pu Lientlangruol hai sungkuo chun an sinthawna hmun Lientlangpui Computer hung dawr hlaktuhai po po kuomah lawmthu hrilin hmatieng peia khawm dawr sunzawm pei dingin fielna an siem. CSC hi Digital India hnuoia  Sawrkar le inkara palaina sin thawna tam tak a nei a, Skill Development hai huoihawtin Scheme tam tak a peksuok (provide) thei a, Central, State le District hnuoia e-Governance hnuoia a rammi haiin an mamaw tam tak a thawpek thei bawk a nih. Digital age a um eini tah leiin iengkim digitalize dinga central hnuoia hmalakna a ni leiin hieng ang service hmun hi mitinin ei mamawhai awlsam taka ei hmu theina dinga Common Service Center hi duong a nih. Churachandpur District khawm e-District a nih ve tah leiin mipui mamaw hlak hieng Domicile Certificate, Tribe Certificate, Income Certificate hai khawm hieng ang CSC haia hin online application hmanga lak thei a nih a, Government Service pensionerhai tadingin Jeevan Pramaan (Life Certificate) hai Biometric Authentication thawin lak thei a ni bawk. Hieng hai naw khawm PMG Disha hnuoia Asha le Anganwadi worker-hai Basic Computer training khawm pek anni hlak a nih.

Chun, abikin Lientlangpui Computer hi CSC a ni el baka hin dawrtuhai tadinga a awlsamna dingin telecom providerhai po hnuoia mobile recharge chikim siein DTH (TV) le Electric Prepaid Recharge hai khawm thaw thei zingna hmun a ni bawk a nih.
Don't Miss
© all rights reserved
made with by Simon L Infimate