Responsive Ad Slot

Manipur HSLC Results suk suok

Friday, May 25, 2018

/ Published by VIRTHLI
Imphal, May 25, 2018, Virthli (ONP): Board of Secondary Education, Manipur (BESEM) chun HSLC (Class X) Examination Results 2018 chu vawizan tieng khan a suk suok. A pumpuia pass percentage chu 73.18 % a nih. Private school hai chu an thaw tha taka, Private School pass percentage chu 80.84% ani a, Aided school hai 62.01% le Govt. School hai pass percentage chu 50.99% a nih.



District zawnga thaw tha tak chu Ukhrul & Kamjong niin 77.92% ana, Churachandpur & Pherzawl chu an hnuoitak dawt niin pass percentage chu 68.88% a nih.

Yaiphabi Mayengbam D/o Mayengbam Monokanta & Ngangbam Ibetombi of Sagolband Tera Lukram Leirak,Imphal Little Flower School chu letter marks subject 5 a hmuin Topper (total marks 573) a nih.

MIL Hmar ah mi pahni in mark 100 ah 94 an hmua ansangtak an nih. Chuonghai chu;

1. Alvina J Ramnunmawi, Mt. Carmel School, CCpur a kai, famtah Pu Sawma a naunu, HSA Platinum Star laia naupang hlasakthiem, mipuihai suk hlimtu 'Platinum Little Star' tia ko hiel a nih. 

2. John Lalhmangai, Partnership Mission Society (PMS), Lungthulien a kai,, Pu Lalthangsang Songate, Lungthulien a naupa a nih. Hmarbiel (Tipaimukh) school anthawka subject topper hi hriet ding an la vanga, a ropui hle.


[An thlalak hi kum 2014 vela mi a nih]

Don't Miss
© all rights reserved
made with by Simon L Infimate